- अमर घटारे
Amravati Rain : गेल्या चार दिवसापासून अमरावती जिल्ह्यात पावसाची संततधार सुरू आहे. या पावसामुळे (Rain) अमरावती जिल्ह्यातील अनेक प्रकल्पांचे सर्व दरवाजे उघडण्यात आले आहेत. यादरम्यान पूर्णा प्रकल्पाचे ९ दरवाजे उघडण्यात आल्याने पूर्णा नदीला महापूर आला आहे.
यामुळं नदी नाले देखील तुडुंब भरले आहेत. भातकुली तालुक्यातील वाठोडा शुक्लेश्वर गाव जलमय झाल आहे. नागरिकांच्या घरात देखील मोठ्या प्रमाणात पाणी शिरलं आहे. शेत जमिनी देखील पाण्याखाली आल्या आहेत. त्यामुळे नागरिकांचं प्रचंड नुकसान झालं आहे.
काल मध्यरात्री दरम्यान वाठोडा शुकलेश्वर जलमय झाल्यानंतर स्थानिक अधिकारी मात्र या ठिकाणावरून गायब असल्याचा आरोप नागरिकांनी केला आहे. तर दुसरीकडे मोर्शी शहरात राम मंदिराजवळ लहान पुलावर पाणी वाहते आहे. दरम्यान अभिजित वैद्य या युवकाचा पाय घसरून तो वाहून गेला आहे. त्याचा शोध रेस्क्यु पथकाकडून सुरु असल्याची माहिती प्रशासनानं दिली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.