- संजय राठाेड
Yavatmal : ज्वालामुखी फुटल्यानंतर ज्या पद्धतीने लाव्हा बाहेर येताे अगदी तशाच पद्धतीने रस्ता दुभंगल्याने पाणी बाहेर आल्याचे कमॅर-याने टिपले आहे. हे दृष्य पाहताना काही क्षण आपण स्तब्धच राहताे. दुसरीकडे या पाण्याच्या फवा-याचा एका मुलीने धाडसाने सामना केल्याची चर्चा यवतमाळ (yavatmal) शहरात आहे. (Breaking Marathi News)
यवतमाळ शहरातील यवतमाळ विदर्भ हाऊसिंग सोसायटीतील माईंदे चौक ते हिंदी हायस्कूल रस्त्यावरील जलवाहिनी फुटली. ही जलवाहिनी फुटल्यानंतर रस्त्याचा एक भाग सुमारे दाेन फुट हवेत उडाला. जलवाहिनी फुटताच पाण्याचा फवारा रस्त्याच्या दुभाजकापर्यंत (सुमारे 50 मीटर अंतर) गेला. जलवाहिनी फुटल्याने लाखाे लिटर पाणी वाया गेले आहे.
यावेळी दुचाकीवरुन निघालेली एका युवतीच्या अंगावर अचानकपणे पाणी आल्याने तिचा दुचाकीवरचा ताेल गेला. त्यात ती जखमी झाली. दरम्यान या घटनेनंतर रस्त्यास माेठा खड्डा पडला आहे.
यवतमाळ अमृत पाणी पुरवठा योजनेत वापरण्यात आलेली जलवाहिनी ही निकृष्ट दर्जाची असल्याची चर्चा समाज माध्यमातून सुरु आहे. ही घटना पालकमंत्री संजय राठाेड यांच्या घराजवळ घडली आहे. या घटनेचा व्हिडिओ समाज माध्यमातून व्हायरल हाेऊ लागला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
