Milk Rate : दुधाच्या दरात पुन्हा वाढ; किती रुपयांनी महागलं दूध? वाचा...

उद्यापासून म्हणजेच १७ ऑगस्टपासून दुधाच्या दरात वाढ होणार आहे.
Milk Rate Latest News
Milk Rate Latest NewsSaam Tv

मुंबई : महागाईचा आगडोंब सुरू असतानाच आता त्यामध्ये आणखी एक भर पडली. अमुलने दुधाच्या दरात वाढ करण्याचा निर्णय घेतला आहे. उद्यापासून म्हणजेच १७ ऑगस्टपासून दुधाच्या दरात प्रतिलीटर २ रुपयांची वाढ होणार आहे. दूध खरेदी दरातही वाढ होणार असल्याने शेतकऱ्यांना सुद्धा काही प्रमाणात दिलासा मिळणार आहे. (Milk Rate Latest Marathi News)

Milk Rate Latest News
Vinayak Mete Accident Case : विनायक मेटेंच्या अस्थी विसर्जनानंतर शिवसंग्राम आक्रमक; मुख्यमंत्र्यांकडं केली 'ही' मागणी

म्हशीच्या दूध खरेदी दरात दोन रुपयांची तर गाईच्या दुधासाठी प्रतिलिटर एक रुपयाची वाढ करण्यात आली आहे. यासंबंधी अमूल आणि मदर डेअरीने अधिकृतपणे याबाबतची माहिती दिली आहे. दूध दरवाढीचा फायदा दूध उत्पादक शेतकऱ्यांना होणार असला तरी, सर्वसामांन्यांच्या खिशाला मात्र कात्री लागणार आहे.

उद्यापासून म्हणजेच १७ ऑगस्टपासून दुधाच्या दरात प्रतिलीटर २ रुपयांची वाढ होणार आहे. त्यामुळे अमूल गोल्ड दुधाचे दर प्रतिलीटर ६२ रुपये, अमूल शक्ती दूध ५६ रुपये, आणि अमूल ताजाचा दर ५० रुपये प्रति लिटर होईल. तर अर्धा लीटर अमूल गोल्ड ३१ रुपये आणि अमूल ताजा २५ रुपयांना तर अमूल शक्तीचा दर २८ रुपये असेल. (Milk Rate Latest News)

अमूल कंपनीचा एकूण खर्च आणि इतर कॉस्ट वाढल्यानं कंपनीने दुधाच्या दरात २ रुपयांची वाढ करण्यात आल्याचं कंपनीकडून सांगण्यात आलं. याव्यतिरिक्त गुरांसाठी लागणाऱ्या चाऱ्याच्या खर्चात दरवर्षी २० टक्क्यांनी वाढ झाल्याचं आढळून आलं आहे. कंपनीला या खर्चाचा बोजा ग्राहकांवर टाकावा लागणार आहे. गेल्या वर्षी शेतकऱ्यांना देण्यात येणाऱ्या मोबदल्यातही ८ ते ९ टक्क्यांनी वाढ झाली आहे. परिणामी अमूल कंपनीने दुधाचा दर वाढवण्याचा निर्णय घेतला आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com