
Nagpur News : नरखेड बाजार समितीच्या (Narkhed APMC) सभापती (अनिल देशमुख गट) यांच्या विराेधात आशिष देशमुख यांच्या गटाने अविश्वास प्रस्ताव आणला हाेता. त्यामुळे आज (शुक्रवार) नरखेड बाजार समितीच्या राजकारणाकडे जिल्हावासियांचे लक्ष लागून राहिले हाेते. या घडामाेडीत अनिल देशमुखांच्या गटाने बाजी मारली. (Maharashtra News)
नरखेड बाजार समितीत राष्ट्रवादीचे अनिल देशमुख (anil deshmukh) यांच्या सभापती पदाच्या विरोधात आशिष देशमुख (ashish deshmukh) यांनी अविश्वास प्रस्ताव आणला हाेता. अनिल देशमुख यांच्या विरोधात ठाकरे गटाचे तीन सदस्य, आशिष देशमुख गटाचे सात आणि राष्ट्रवादीचे फुटलेले तीन सदस्य यांचा अविश्वास प्रस्ताव आला हाेता.
दरम्यान अविश्वास प्रस्तावाच्या वेळेस सभागृहात राडा झाला. यावेळी पोलीसांनी दोघांना शिवीगाळ केल्याप्रकरणी ताब्यात घेतले. त्यानंतर मतदान प्रक्रिया पार पडली.
१८ सदस्यसंख्या असलेल्या नरखेड बाजार समितीच्या अविश्वास प्रस्तावासाठी एकूण १६ जणांनी मतदानाचा हक्क बजावला. त्यामध्ये अनिल देशमुख यांच्या गटाने बाजी मारली. त्यामुळे नरखेड बाजार समितीत अनिल देशमुख गटाचाच सभापती कायम राहणार हे निश्चित झाले.
- एकूण मतदान १६, अविश्वास प्रस्ताव पारीत व्हायला ११ मतं गरजेची होती.
- आशिष देशमुख गटाला १० मतं
- अनिल देशमुख गटाला ६ मतं
- आशिष देशमुख गटाचं एक मत ठरलं अवैध.
- एक मत अवैध झाल्याने अनिल देशमुख गटाचा सभापती कायम.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.