नांदेड : सार्वजनिक बांधकाम मंत्री अशोक चव्हाण यांच्या आनंद निलयम या निवासस्थानावर राडा घालून दगडफेक करणाऱ्या तरुणीला पोलिसांनी ताब्यात घेतलं आहे ही तरुणी सकाळी पावणे अकरा च्या सुमारास अशोक चव्हाण यांच्या घराजवळ आजारी आईला विलचेअरवर घेऊन आली आणि अशोक चव्हाण आहेत का मला त्यांना भेटायचे आहे.
म्हणून सुरक्षा रक्षकांना विचारणा केली. सुरक्षा रक्षकांनी साहेब नाहीत म्हटल्यानंतर चिडलेल्या तरुणीने गोंधळ घालत निवासस्थानावर दगडफेक केली. घटनेची माहिती मिळताच पोलीस अधिक्षक प्रमोद कुमार शेवाळे यांनी घटनास्थळावर धाव घेतली मात्र तोपर्यंत तरुणी आईसह निघून गेली होती. ही तरुणी उच्च शिक्षित असून तिची मानसिक स्थिती चांगली नसल्याची माहिती पोलिसांनी दिली आहे.
दरम्यान, ही तरुणी काबरा नगर परिसरात वास्तव्यास असल्याची माहिती पोलिसांनी दिली. केवळ चव्हाण यांना भेटता आले नाही म्हणून या तरुणीने दगडफेक केल्याचे पोलिस अधिक्षक प्रमोद कुमार शेवाळे यांनी सांगितले. या प्रकरणी तरुणी विरोधात शिवाजीनगर पोलिस ठाण्यात गुन्हा दाखल करण्यात आला आहे. आज सकाळ पासून च अशोक चव्हाण यांच्या घरावर दगडफेक झाल्याच्या घटनेनं तर्क वितर्क लढविल्या जात होते. मात्र, आता या घटनेला पुर्ण विराम मिळाला आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.