औरंगाबादकरांनो काळजी घ्या! शहरात ४ दिवसांत १५ जणांना कोरोनाची लागण

आठवडाभरापासून शहरात सभा तसेच मोठमोठे कार्यक्रम आयोजित करण्यात आले होते.
औरंगाबादकरांनो काळजी घ्या! शहरात ४ दिवसांत १५ जणांना कोरोनाची लागण
Aurangabad Corona Updates, Aurangabad Latest Marathi NewsSaam Tv

औरंगाबाद : गेल्या काही दिवसांपासून मुंबईसह महाराष्ट्रात कोरोना व्हायरसने धुमाकूळ घालण्यास सुरूवात केली आहे. अशातच औरंगाबाद जिल्ह्यातून एक चिंताजनक बातमी समोर आली आहे. औरंगाबाद शहरात गेल्या 4 दिवसांत कोरोनाचे तब्बल 15 रुग्ण आढळून आले आहेत. शून्य रुग्ण संख्या असलेल्या औरंगाबादेत रुग्णांची संख्या वाढत असल्यानं महापालिकेच्या यंत्रणेसमोरील चिंता वाढली आहे. (Aurangabad Corona Latest News)

Aurangabad Corona Updates, Aurangabad Latest Marathi News
ठरलं! राज्यसभेत एमआयएम महाविकास आघाडीला मतदान करणार

आठवडाभरापासून शहरात सभा तसेच मोठमोठे कार्यक्रम आयोजित करण्यात आले होते. त्यामुळे पुन्हा शहरात कोरोना रुग्णांची संख्या वाढण्याची भीती व्यक्त केली जात आहे. आता जास्तीत जास्त कोरोना चाचण्या होण्यासाठी पालिकेने चाचणी केंद्रांची संख्या वाढवली आहे. त्यासाठी शहरात 9 ठिकाणी चाचणी केंद्र सुरू करण्यात आलेत. 4 जून रोजी एकही कोरोनाबाधित नसताना 5 जून रोजी शहरात दोन रुग्ण आढळले, यानंतर महापालिका प्रशासनाने तपासणी केंद्रामध्ये वाढ केली.

दरम्यान, शहरात 6 जूनला 5 रुग्ण, तर 8 जून रोजी ४ आणि 9 जून रोजी 4 रुग्ण आढळून आले. शहरात कोरोनाबाधित व्यक्ती आढळून येण्याचे प्रमाण शून्य झाले होते, पण आता काही दिवसांपासून बाधितांची संख्या वाढताना दिसत आहे. शहरात कोरोनाबाधितांच्या संख्येत वाढ होत असल्यामुळे आरोग्य विभागाने कोरोना चाचणी केंद्रांत वाढ करून 9 ठिकाणी नवीन केंद्र सुरू केली आहेत.

Aurangabad Corona Updates, Aurangabad Latest Marathi News
दीपकची पत्रिका देवापर्यंत पोहोचलीच नाही; नवरदेवासह तिघांचा अपघातात दुर्देवी मृत्यू

यामध्ये छावणी आरोग्य केंद्र, सिडको एन-११ आरोग्य केंद्र, सिडको एन-८ आरोग्य केंद्र, कैसर कॉलनी दवाखाना, घाटी रुग्णालयाची मेडिसीन विभागाची इमारत, सिडको एन-२ कम्युनिटी सेंटर, पदमपुरा कोविड केअर सेंटर, मेल्ट्रॉन हॉस्पिटल, विमानतळ या ठिकाणी नव्याने कोरोना चाचणी केंद्र सुरू करण्यात आली आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com