जावयाला पुरणपोळी बनवून न दिल्याने राग अनावर; सासूने सुनेच्या डोक्यात मारली पकड!

याप्रकरणी सासूवर खुलताबाद पोलिसात गुन्हा नोंदवण्यात आला आहे.
जावयाला पुरणपोळी बनवून न दिल्याने राग अनावर; सासूने सुनेच्या डोक्यात मारली पकड!
Aurangabad Khultabad Crime NewsSaam Tv

खुलताबाद : सासुरवाडीला आल्यावर जावयाचा वेगळाच थाट असतो. जावई आला म्हटलं तर सासुरवाडीची मंडळी त्याला आवडेल ते जेवण बनवतात, मानपान देतात. अशातच जावयाचा थाट पूर्ण न केल्याने सासूने चक्क सुनेच्या डोक्यात पकड मारल्याची घटना उघडकीस आली. औरंगाबाद (Aurangabad) जिल्ह्यातील खुलताबाद (Khultabad) तालुक्यातून हा धक्कादायक प्रकार उघडकीस आला. (Aurangabad Crime News)

Aurangabad Khultabad Crime News
Latur : जुळ्या बहिणींची कमाल; विभक्त राहून सुद्धा दहावीत मिळविले सारखेच गुण

जावई सासरी आल्यानंतर सुनेनं त्याला पुरणपोळी बनवली नाही म्हणून संतापलेल्या सासूने सुनेच्या डोक्यात पकडीने वार केला. या घटनेत सून गंभीर जखमी झाली. माहितीनुसार, औरंगाबाद जिल्ह्यातील खुलताबाद तालुक्यातील बाजारसावंगी गावात हा धक्कादायक प्रकार घडला आहे.

मिळालेल्या माहितीनुसार, एका व्यक्तीची बाजारसावंगी ही सासूरवाडी आहे. काही कामानिमित्त तो सासूरवाडीला आला होता. बऱ्याच दिवसांनी जावई घरी आल्यानंतर सासूलाही आनंद झाला. तिने आपल्या सूनेला जावयासाठी पुरणपोळी बनवण्यास सांगितलं.

Aurangabad Khultabad Crime News
५ वर्ष प्रेमसंबधानंतर प्रियकराचा ऐनवेळी लग्नास नकार; तरुणीने उचललं टोकाचं पाऊल

मात्र, सूनेनं पुरणपोळी बनवून देण्यास नकार दिला. मग काय याच गोष्टीवर सासूला राग अनावर झाला. आणि तिने थेट किचनमध्ये प्रवेश करत सूनेच्या डोक्यात पकडीने वार केला. या घटनेत सून गंभीर जखमी झाली असून तिला उपचारासाठी रुग्णालयात दाखल करण्यात आलं. याप्रकरणी सासूवर खुलताबाद पोलिंसात गुन्हा नोंदवण्यात आला आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com