Auranagabad News : औरंगाबाद जिल्ह्यातून एक धक्कादायक बातमी समोर आली आहे. सैन्य भरतीची तयारी करत असलेल्या तरुणाने व्हॉट्सअपवर स्टेट्स ठेवून विहिरीत उडी मारुन आत्महत्या केली. ही धक्कादायक घटना बिडकीन एमआयडीसी (Aurangabad) परिसरात घडली आहे. या घटनेमुळे परिसरात खळबळ उडाली आहे. ओमकार नारायण डांगरे (वय २१ वर्षे) असं मृत तरुणाचं नाव आहे.
पोलिसांनी (Police) दिलेल्या माहितीनुसार, ओमकार हा घरी काहीही न सांगता बुधवारी सकाळीच घराबाहेर पडला होता. रात्री उशीरापर्यंत तो घरी परतलाच नाही. त्यामुळे ओमकारच्या आई-वडीलांनी त्याचा शोधाशोध घेतला. मात्र, ओमकार कुठेही आढळून आला नाही. अखेर त्यांनी पोलिसांत फिर्याद दिली.
दरम्यान, पोलिसांनी ओमकारचा शोधाशोध घेतला असता, त्याच्या मोबाईलचे लोकेशन डीएम आयसी औद्योगिक वसाहतीत मिळून येत असल्याचे दिसून आले. पोलिसांनी तिथे जाऊन शोध घेतला असता, एका विहिरीजवळ त्याची गाडी आणि चप्पल आढळून आली. पोलिसांनी तातडीने अग्निशमन दलाच्या जवानांना पाचारण केलं.
अखेर ओमकारचा मृतदेह विहिरीत आढळून आला. ओमकार याने त्याच्या मोबाईलवरील व्हॉट्सअप स्टेटस वर "I just feel like if I died everything will be ok:) " अशा प्रकारे स्टेटस ठेवत आपली जीवनयात्रा संपवली आहे. ओमकार डांगरे हा पोलीस व सैनिकी भरती तसंच शासकीय नोकरीची तयारी करत होता अशी माहिती मित्रांच्या वतीने देण्यात आली.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.