Aurangabad Crime : महिलांकडे बघून करायचा अश्लील चाळे; पोलिसांनी सिंघम स्टाईलने केली धुलाई

शेख रहीम शेख अजीज (वय 21) असे या रोडरोमियोचे नाव आहे.
Aurangabad Crime
Aurangabad CrimeSaam TV

औरंगाबाद : पोलीस काय करू शकतात याचा नुकताच प्रत्यय एका रोडरोमियोला आला आहे. उस्मानपुरा पोलिसांनी या रोडरोमियोला चांगलाच इंगा दाखवलाय. हा रोडरोडमियो महिलांना बघून अश्लील चाळे करायचा. याबाबतची तक्रार प्राप्त होताच पोलिसांनी सिंघम स्टाईल कारवाई करत त्याची चांगलीच धुलाई केली. तसेच त्याच्यावर गुन्हा देखील दाखल करण्यात आलाय. (Aurangabad Crime News)

शेख रहीम शेख अजीज (वय 21) असे धुलाई करून अटक केलेल्या रोड रोमिओचे नाव आहे. आरोपी रहीम हा उस्मानपुरा परिसरातील देवानगरीत राहतो. गेल्या काही दिवसांपासून तो रस्त्यावरून येणाऱ्या जाणाऱ्या महिलांना बघून अश्लील चाळे करायचा. मंगळवारी देखील आरोपीने एका तरुणीकडे पाहून अश्लील चाळे केले.

मात्र भितीपोटी कुणीही त्याची तक्रार द्यायला समोर येत नव्हतं. दरम्यान, याबाबतची माहिती उस्मानपुरा पोलिसांना मिळाली. यानंतर असा प्रकार घडला तर थेट आम्हाला कॉल करा असे पोलीस निरीक्षक गीता बागवडे यांनी परिसरातील नागरिकांना तसेच महिलांना सांगितले होते. (Aurangabad Todays News)

दरम्यान, मंगळवारी, पुन्हा आरोपी तरुण रस्त्यावरून येणाऱ्या जाणाऱ्या महिलांची छेड काढत होता. याबाबतची माहिती मिळताच पोलीस निरीक्षक बागवडे यांनी पथकासह घटनास्थळ गाठलं. त्यावेळ तिथे उपस्थित असलेल्या आरोपी शेख रहिमची त्यांनी खात्री केली. आणि घटनास्थळी महिलांसमोरच त्याची चांगलीच धुलाई केली.

त्यानंतर त्याला पोलीस ठाण्यात आणून त्याच्याविरुद्ध महिलाच्या तक्रारीवरून गुन्हा दाखल करण्यात आला आहे. आरोपी विकृत मनोवृत्तीचा असून त्याने याआधी देखील महिला तरुणी दिसल्यानंतर अश्लील चाळे केले होते. अशी माहिती पोलीस तपासात समोर आली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com