लग्न झाल्यानंतर ३ वर्षांनी सासूचा सुनेला नांदवण्यास नकार; दिलं धक्कादायक कारण

'सासरी भरपूर शेती असल्याने तिच्याकडून मजुरांसोबत त्यांच्यासारखे काम करून घेत.'
Aurangabad Crime
Aurangabad Crimeनवनीत तापडिया

नवनीत तापडिया -

औरंगाबाद : तीन वर्षांपूर्वी थाटामाटात लग्न झाले, परंतु तीन वर्ष संसार चालल्यावरही 'तु चांगली दिसत नाही, तुला काम येत नाही.' असं म्हणत सासूने सुनेला नांदवायला नकार दिल्याचा धक्कादायक प्रकार औरंगाबादेत (Aurangabad) उघडकीस आला आहे.

याप्रकरणी औरंगाबादच्या सिडको पोलिस ठाण्यात (CIDCO Police Station) पिडीत सुनेने दिलेल्या फिर्यादीनुसार पतीसह सासू सासऱ्यांविरोधात गुन्हा दाखल करण्यात आला आहे. सुधीर रघुनाथ काळे असे पतीचे तर वारूबाई रवळे, गोरखनाथ रवळे असे सासु सासऱ्यांची नावे आहेत.

पाहा व्हिडीओ -

लग्नाच्या सहा महिन्यांनंतर दिसण्यावरुन, कामावरून टोमणे मारत, तसेच लग्नात आईवडीलांनी हुंडा, दागिने दिले नाही असे म्हणत सासू त्रास देत असल्याचे पिडित सुनेने दिलेल्या फिर्यादीत म्हटले आहे. तसेच सासरी भरपूर शेती असल्याने तिच्याकडून मजुरांसोबत त्यांच्यासारखे काम करून घेतात व मजुरांसमोर तिला वाईट वागणूक दिली जात असल्याचे पिडितेने आरोप केला आहे.

दरम्यान, पती देखील आई-वडिलांच्या एकूण शिवीगाळ करत मारहाण करायचा तसंच दरम्यानच्या काळात दोन्हीकडील मंडळींनी अनेक वेळा मध्यस्थी करत वाद मिटवले होते. परंतु तिला नांदवण्यात येत नसल्याने पिढीतेने अखेर पोलिसात धाव घेतली. या प्रकरणी सिडको पोलीस अधिक तपास करत आहेत.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com