भंडाऱ्यानंतर आता औरंगाबाद हादरले, गुंगीचे औषध देऊन महिलेवर बलात्कार

नवनीत तापडिया -

औरंगाबाद: राज्यात महिलांवरील अत्याचाराच्या घटनांमध्ये दिवसेंदिवस वाढ होत आहे. काही दिवसांपुर्वी संपुर्ण राज्याला हादरविणाऱ्या भंडारा (Bhandara) बलात्कार प्रकरणानंतर आता औरंगाबादमध्ये(Aurangabad) महिलेला लग्नाचं आमिष दाखवत तिच्यावर बलात्कार केल्याची घटना समोर आली आहे.

आरोपीने पीडित महिलेला लग्नाचे आमिष दाखवून तिच्यावर बलात्कार केला, शिवाय लैंगिक अत्याचार करतानाचा व्हिडीओ (Video) शुटींग करुन तो व्हायरल (Viral) करण्याची धमकी देत लग्नाला नकार दिल्याचा धक्कादायक प्रकार औरंगाबादेत घडला आहे.

पाहा व्हिडीओ -

सय्यद नबी सय्यद लाला वय वर्ष ३५ राहणार जोगेश्वरी आंबेडकरनगर असे पीडित महिलेवर लैंगिक अत्याचार करणाऱ्या आरोपीचे नाव आहे. मिळालेल्या माहितीनुसार, आरोपी सय्यदने पीडित महिलेला गुंगीचे औषध देवून तिच्यावर लैंगिक अत्याचार केला.

यावेळी त्यांने पीडितेसोबत शारीरिक संबंध प्रस्थापित करतांनाचे व्हीडीओ शुटींग केलं. शिवाय ते शुटींग व्हायरल करण्याची धमकी देत लग्न करण्यासही नकार दिला. ही घटना औरंगाबादमधील वाळूज MIDC परिसरात उघडकीस आली आहे.

पीडितेचे लैंगिक शोषण करण्यात आल्याचा प्रकार ९ ऑगस्ट २०१७ ते ८ ऑगस्ट २०२२ दरम्यान घडला असल्याचे पीडित महिलेने दिलेल्या तक्रारीत नमूद केलं आहे. या प्रकरणी एमआयडीसी वाळूज पोलिस ठाण्यात गुन्हा दाखल करण्यात आला असून पोलिस या प्रकरणाचा पुढील तपास करत आहेत.

Edited By - Jagdish Patil