Aurangabad : राष्ट्रवादी युवकच्या जिल्हाध्यक्षावर हल्ला, प्रकृती चिंताजनक; नेमकं काय आहे प्रकरण?

राष्ट्रवादी युवकच्या जिल्हाध्यक्षावर प्राणघातक हल्ला झाला आहे. त्यांची प्रकृती चिंताजनक असल्याची माहिती मिळत आहे.
Aurangabad News
Aurangabad NewsSaam Tv

Aurangabad News : नाव वर्षाच्या पहिल्याच दिवशी औरंगाबाद येथून एक धक्कदायक बातमी समोर आली आहे. पैठण तालुक्यातील बोकुड जळगाव येथे झालेल्या ग्रामपंचायत निवडणुकीच्या रागातून राष्ट्रवादीच्या युवक जिल्हाध्यक्ष भाऊसाहेब तरमळे यांच्यावर जीवघेणा हल्ला करण्यात आला आहे. या हल्ल्यात भाऊसाहेब तरमळे जखमी झाले असून त्यांच्यावर रुग्णालयात उपचार सुरू आहे. तरमळे यांची प्रकृती चिंताजनक असल्याची माहिती मिळत आहे.

Aurangabad News
Maharashtra Politics : अजित पवारांनी माफी मागावी, आत्मक्लेश करावा - महसूलमंत्री विखे पाटील

याप्रकरणी सात आरोपींविरोधात गुन्हा दाखल करण्यात आला आहे. अनिकेत नागे, आकाश नागे, अशोक नागे, पांडुरंग नागे, राजु बनकर,दिनेश राठोड, सुनिल खरात, असे गुन्हा दाखल करण्यात आलेल्या आरोपीची नाव आहे.

बोकुड जळगाव येथे काही दिवसांपूर्वी ग्रामपंचायत निवडणूक पार पडली. ज्यात भाऊसाहेब तळमळे यांच्या आईचा विजय झाला. याचच राग मनात ठेवून विरोधी गटातील अनिकेत नागे याने हातातील चाकुने भाऊसाहेब तरमळे यांच्यावर काल (३१ डिसेंबर २०२२) रात्री अचानक हल्ला केला.

Aurangabad News
Rishabh Pant : अपघातानंतर रिषभ पंत 'इतके' दिवस मैदानाबाहेर; ऑस्ट्रेलिया कसोटी मालिकेलाही मुकणार? समोर आली माहिती

भाऊसाहेब यांच्या डोक्यावर, मानेवर चाकुचा मार लागला आहे. या हल्ल्यात भाऊसाहेब गंभीर जखमी झाले असून त्यांच्यावर रुग्णालयात उचार सुरु आहे. मात्र मोठा रक्तस्त्राव झाल्याने त्यांची प्रकृती चिंताजनक आहे. याप्रकरणी सात आरोपींविरोधात गुन्हा दाखल करण्यात आला आहे.

दरम्यान, या घटनेची माहिती मिळतच बिडकीन पोलीस ठाण्यातील पथकाने गावात धाव घेतली. त्यानंतर जखमी तरमळे यांना रुग्णालयात हलवण्यात आले. गावात झालेल्या वादानंतर तणावाचे वातावरण निर्माण झाले होते. मात्र पोलिसांनी वेळेत पोहोचत परिस्थिती नियंत्रणात आणली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com