पोलिस आयुक्तालयासमोर तुफान हाणामारी

दोन गटांमध्ये तुफान हाणामारी
पोलिस आयुक्तालयासमोर तुफान हाणामारी
Aurangabad Crimeमाधव सावरगावे

औरंगाबाद: औरंगाबादच्या (Aurangabad) पोलिस आयुक्तालयासमोरच (commissionerate) गुरुवारी रात्री दोन गटांमध्ये तुफान हाणामारी (fighting) झाली. हाणामारी सुरू असताना पोलिस (police) पोहचल्यानं राडा करणाऱ्यांनी पळ काढला आहे. मात्र, पोलीस (police) आयुक्तालयासमोरच राडा झाल्यानं पोलिसांची भीती राहिली नाही का, याची सध्या चर्चा सुरू झाली आहे. तरुणांच्या टोळक्यात होणारा राडा औरंगाबाद (Aurangabad) शहरासाठी काही नवीन नाही, पण गुरुवारी रात्री दोन गट थेट पोलिस (police) आयुक्तालयासमोरच भिडले होते. तुफान राडा करणाऱ्या तरुणांमध्ये पोलिस वेळीच घुसल्याने पुढील अनर्थ टळला.

हे देखील पाहा-

पोलिसांनी काहींना ताब्यात घेऊन चौकशी सुरू केली. मात्र, हे टोळके एकमेकांना का भिडले अद्याप समोर आले नाही. गुरुवारी रात्री पावणेअकरा वाजेच्या सुमारास १५ ते २० जणांचे दोन गट मिल कॉर्नरजवळील पोलिस आयुक्तालयासमोर समोरा- समोर आले. सुरुवातीला बाचाबाची सुरू असलेले हे गट शिवीगाळ सुरू करताच थेट मारहाणीला भिडले. त्यांच्यात तुफान हाणामारी सुरू झाली. एकमेकांना हाताचापटाने मारहाण सुरू असताना काहींना जमिनीवर पाडून पायाखाली तुडविले. दोन्ही गटाकडील तरुण जमा झाले. बघ्यांची गर्दी झाल्याने पन्नासच्यावर जमाव आयुक्तालयासमोर गोळा झाला.

Aurangabad Crime
अल्पवयीन मुलीवर अत्याचार करणाऱ्याला आजन्म कारावास

या घटनेची माहिती आयुक्तालयात हजर अधिकाऱ्यांना कळताच ते कर्मचाऱ्यांसह दाखल झाले. पोलीस येत असल्याचे पाहून अनेकांनी पळ काढला. तर काही तरुणांना मात्र पोलिसांनी तत्काळ पकडून ताब्यात घेतले आहे. रात्री उशिरापर्यंत कारवाईची प्रक्रिया सुरू होती. भांडणाचे कारण मात्र अद्याप समजू शकले नाही. या घटनेचा अधिक तपास पोलीस करत आहेत.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.