औरंगाबाद: आज कडक उन्हाने औरंगाबादकरांची लाही लाही झाल्याचं चित्र दिसून आलं. आज औरंगाबाद जिल्ह्यात उन्हाचा पारा चाळीशीला पोहोचला आहे. या आठवड्यात औरंगाबाद शहराचा पारा 43 अंशांपर्यंत जाणार असल्याचा हवामान विभागाने अंदाज वर्तवला आहे (Aurangabad temperature will rise to 43 degrees in a week says by Meteorological Department).
त्यानुसार, 29, 30 आणि 31 मार्चला औरंगाबाद (Aurangabad) शहरात उष्णतेची लाट राहणार आहे. आठवड्यांपूर्वी ढगाळ वातावरणामुळे औरंगाबाद शहरात काहीसा उन्हाचा पारा कमी झाला होता. मात्र, रविवारपासून शहरात पुन्हा उन्हाची (Summer) तीव्रता वाढलीये. हवामान विभागाच्या (Meteorological Department) अंदाजानुसार, येत्या 29, 30 आणि 31 मार्च या तिन्ही दिवशी शहरात कमाल तापमान तब्बल 43 अंश सेल्सियसवर जाणार आहे.
यंदाच्या मोसमात उष्णतेच्या (Temperature) लाटेचा इशारा हा पहिल्याच वेळेस आला असून मार्चमध्येच (March) उन्हाचे चटके तीव्र झाले. एप्रिल आणि मे महिन्यात शहराचे तापमान अधिक वाढण्याची शक्यता आहे. यंदा मार्च महिन्याच्या प्रारंभीपासूनच शहरामध्ये कमाल तापमानाने पस्तीशी गाठली होती. याच महिन्यात औरंगाबाद शहराचे कमाल तापमानही 40 अंशांच्या पार गेले होते.
Edited By - Nupur Uppal
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.