TET Scam : टीईटी घोटाळ्यातील शिक्षकांना दिलासा; कोर्टाने दिला मोठा निर्णय

या निर्णयामुळे टीईटी घोटाळ्यातील शिक्षकांना मोठा दिलासा मिळाला आहे.
TET Scame News
TET Scame NewsSaam TV

TET Scame News : टीईटी घोटाळ्यातील (TET Scam) शिक्षकांचे पगार थांबवू नका. त्यांचं वेतनवाढ थांबवू शकता, पण पगार नाही. असे निर्देश औरंगाबाद (Aurangabad) खंडपीठाने शिक्षण विभागाला दिले आहेत. औरंगाबाद खंडपीठाच्या या निर्णयामुळे टीईटी घोटाळ्यातील शिक्षकांना मोठा दिलासा मिळाला आहे. (TET Scam Maharashtra)

TET Scame News
Jayant Patil : ...तर धनुष्यबाण चिन्ह उद्धव ठाकरेंकडेच; जयंत पाटील काय म्हणाले, वाचा...

महाराष्ट्र राज्य शिक्षण परिषदेने टीईटी घोटाळ्यासंबंधी ७ हजार ८८० शिक्षकांवर (Teacher) कारवाई केली होती. त्यानंतर शिक्षण विभागाने या प्रकरणाशी संबंधित असलेल्या शिक्षकांचे वेतन थांबविले होते. याप्रकरणी हिंगोली जिल्ह्यातील तीन शिक्षकांनी मुंबई उच्च न्यायालयाच्या औरंगाबाद खंडपीठात याचिका दाखल केली होती.

याचिकेत काय म्हटलं होतं?

टीईटी उत्तीर्ण होणे बंधनकारक नसल्याचे याचिकेत नमूद करण्यात आले होतं. प्राथमिक शिक्षकांसाठी एक ते आठ वर्गापर्यंत प्रवेश पात्रता परीक्षा लागू असल्याचे म्हटले आहे. शासनाचा २८ मार्च २०१३ चा निर्णय उपलब्ध असून या शिक्षकांना अनुदान तत्त्वावर वेतन दिले जाते. त्यांच्या नियुक्त्या शिक्षणाधिकारी यांनी मान्य केल्या असल्याचे म्हटले आहे. अशावेळी यांच्याविरुद्ध सुनावणीची संधी न देता एकतर्फी कारवाई करणे योग्य नसल्याचे याचिकेत म्हटले आहे. (TET Scam Latest News)

दरम्यान, राज्य शासनाच्या आदेशाविरोधात दाखल केलेल्या या याचिकेवर आज सुनावणी झाली. या सुनावणीत खंडपीठाने टीईटी घोटाळ्यातील शिक्षकांचे पगार थांबवू नका. त्यांचं वेतनवाढ थांबवू शकता, पण पगार नाही. असे निर्देश औरंगाबाद खंडपीठाने शिक्षण विभागाला दिले आहेत. खंडपीठाच्या या निर्णयामुळे शिक्षकांना मोठा दिलासा मिळाला आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com