Aurangabad: ठाकरे Vs शिंदे! सिल्लोडमध्ये आज आजी-माजी मुख्यमंत्र्यांचे पुत्र आमने- सामने

औरंगाबादेत आजी-माजी मुख्यमंत्र्यांच्या पुत्रांची तोफ धडाडणार
Aurangabad News
Aurangabad NewsSaam Tv

औरंगाबाद - शिवसेनेत (Shivsena) उभी फूट पडल्यानंतर शिंदे गट आणि ठाकरे गट असे 2 गट निर्मण झाले. त्यानंतर एकनाथ शिंदे (Eknath Shinde) यांनी मुख्यमंत्र्याची तर देवेंद्र फडणवीस यांनी उपमुख्यमंत्री पदाची शपत घेतली. राज्यात झालेल्या सत्तांतरानंतर दोन्ही गट सतत एकमेकांवर टीका करतांना पाहायला मिळतात. मात्र पहिल्यांदाच दोन्ही गटाच्या प्रमुखांचे पुत्र म्हणजेच एकनाथ शिंदे यांचे पुत्र श्रीकांत शिंदे आणि उद्धव ठाकरे यांचे पुत्र आदित्य ठाकरे आमने-सामने येणार आहे. (Aurangabad Political News)

विशेष म्हणजे दिवस एकच, मतदारसंघ सुद्धा एकच आणि कार्यक्रमाचा वेळ देखील एकच असणार आहे. श्रीकांत शिंदे (Shrikant Shinde) जाहीर सभेतून तर आदित्य ठाकरे (Aditya Thackeray) पदाधिकारी संवाद कार्यक्रमातून भाषण करणार आहे. त्यामुळे या होणाऱ्या या कार्यक्रमाकडे सर्वांचे लक्ष लागले आहे.

Aurangabad News
बाबो ! प्राचार्यांना ऑनलाइन रमीचा नाद, कॉलेजमध्ये मारला दहा लाखांवर डल्ला

या दोन्ही कार्यक्रमाच्या निमित्ताने जिल्हा आणि पोलीस प्रशासनानं मोठा बंदोबस्त वाढवला आहे. कृषिमंत्री यांच्या पुढाकाराने मुख्यमंत्र्यांचे पुत्र खासदार श्रीकांत शिंदे होणाऱ्या या सभेचे आयोजन करण्यात आलंय. सिल्लोड शहरातील नगर परिषद प्रशालेच्या ५ एकर मैदानावर श्रीकांत शिंदेची आज सायंकाळी ४ वाजता सभा होत आहे. यापूर्वी ते विविध विकासकामांचे उद्घाटन करतील.

तर दुसरीकडे आदित्य ठाकरे यांचा सायंकाळी सहा वाजता कार्यक्रम होणार आहे. सिल्लोड शहरातील डॉ. बाबासाहेब आंबेडकर चौक येथे शेतकरी व शिवसैनिकांशी आदित्य ठाकरे संवाद साधणार आहेत. या मैदानावर उभारण्यात आलेले व्यासपीठ २० बाय ३० आकाराचे असून या मैदानावर पाच हजारपेक्षा जास्त नागरिक बसण्याची क्षमता आहे. या दोन्ही कार्यक्रमाच्या जिल्ह्यातील वेगवेगळ्या तालुक्यातून वरिष्ठ पोलीस अधिकाऱ्यांसह कर्मचाऱ्यांना बंदोबस्तसाठी बोलवण्यात आले आहे.त्यामुळे आज सिल्लोड शहरात छावणीचं स्वरूप पाहायला मिळत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com