Solapur News : 'कोल्हट्याच पोर' या सुप्रसिद्ध पुस्तकाचे लेखक डॉ. किशोर काळे यांच्या आई आणि लोककलावंत शांताबाई काळे यांच्यावर 'कोणी घर देत का घर' असं म्हणण्याची वेळ आली होती. साम टीव्हीने हा विषय लावून धरल्यानंतर आता माजी मंत्री बच्चू कडू यांची 'प्रहार' संघटना शांताबाईंच्या मदतीला धावून आली आहे.
प्रहारने शांताबाईंना घर बांधून देण्यासाठी पुढाकार घेतला आहे. सोलापूरच्या करमाळा तालुक्यातील नेरल्यात तत्कालीन जिल्हा परिषदेचे मुख्य कार्यकारी अधिकारी डॉ. राजेंद्र भारूड यांनी घरासाठी जागा मिळवून दिली होती. परंतु दरम्यानच्या काळात त्यांची बदली झाली आणि हा विषय मागे पडला.
एकेकाळी महाराष्ट्रभर नावाजलेल्या लोककलावंत शांताबाई काळे यांच्यावर भाड्याच्या घरात कसेबसे दिवस काढण्याची वेळ आली होती. शांताबाई काळे यांच्या घरासाठई आता बच्चु कडू यांच्या प्रहारने पुढाकार घेतला असून जोपर्यंत शांताबाईंच पक्क घर तयार होत नाही तोपर्यंत त्या राहत असलेल्या घराचं भाडं आणि उदरनिर्वाहाची जबाबदारी प्रहार जनशक्ती पक्षाने घेतली आहे.
शांताबाई काळे यांच्यासाठी लवकरात लवकर दोन पक्क्या खोल्या बांधून देण्याची जबाबदारीही प्रहार जनशक्ती पक्षाने घेतली आहे. त्यामुळे शांताबाईंच्या घराची प्रतीक्षा सध्या लवकरच संपणार आहे.
Edited By - Chandrakant Jagtap
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.