मुंबई : विधान परिषदेच्या (Vidhan Parishad Election) १० जागांसाठी आज निवडणूक होत असून सकाळपासून मुंबईच्या विधान भवनात मतदान सुरु होतं. दरम्यान, या निवडणुकीसाठी संपूर्ण मतदानाची प्रकिया पार पडली असून काँग्रेसने लक्ष्मण जगताप (Laxman jagtap) आणि मुक्ता टिळक (Mukta Tilak) यांच्या मतदानाला आक्षेप घेतला. परंतु, राज्य निवडणूक अधिकाऱ्यांनी काँग्रेसचे आक्षेप फेटाळले आहेत. याबाबत राज्य निवडणूक आयोगाच्या अधिकाऱ्यांनी केंद्रीय निवडणूक आयोगाला लेखी कळवलं आहे.
कॉंग्रेसने भाजप आमदार लक्ष्मण जगताप आणि मुक्ता टिळक यांच्या मतदानावर आक्षेप घेतला होता. मतदान करताना मतपत्रिकेवर सही केली पण पसंतीची मत देताना दुसऱ्याची मदत घेतली असा आरोप काँग्रेसने भाजपच्या या दोन मतांवर आक्षेप घेतला होता. एकीकडे हा गोंधळ सुरु असतानाच दुसरीकडे मात्र बहुचर्चीत असलेल्या बहुजन विकास आघाडीचे आमदार हितेंद्र ठाकूर (Hitendra Thakur) यांनी खळबळजनक प्रतिक्रिया दिली आहे.
आमदार हितेंद्र ठाकूर यांचे सर्वपक्षीय संबंध चांगले आहेत. यामुळे ते नेमकं कोणाला मतदान करतात, हा चर्चेचा विषय होता.महाविकास आघाडी असेल किंवा भाजप या दोन्ही पक्षाच्या नेत्यांनी बविआची मते मिळावी,यासाठी हितेंद्र ठाकूर यांच्याकडे मागणी केली होती. त्यानंतर आज अखेर ठाकूर यांनी विधान परिषद निवडणुकीत (vidhan Parishad election) मतदान केले. त्यानंतर माध्यमांशी बोलताना त्यांनी शिवसेनेचे खासदार संजय राऊत यांच्यावर अप्रत्यक्षपणे निशाणा साधला आहे. निकालानंतर जो मला शिव्या देईल मी त्याला मतदान केले आहे, असा टोला ठाकूर यांनी नाव न घेता संजय राऊत यांना लगावला आहे.
राज्य निवडणूक अधिकाऱ्यांनी काँग्रेसचे आक्षेप फेटाळले आहेत. याबाबत राज्य निवडणूक आयोगाच्या अधिकाऱ्यांनी केंद्रीय निवडणूक आयोगाला लेखी कळवलं आहे. कॉंग्रेसने भाजप आमदार लक्ष्मण जगताप आणि मुक्ता टिळक यांच्या मतदानाला आक्षेप घेतला होता. मतदान करताना मतपत्रिकेवर सही केली, पण पसंतीचं मत देताना दुसऱ्याची मदत घेतली, असा आरोप काँग्रेसने भाजपच्या या दोन मतांवर घेतला होता.
Edited By - Naresh Shende
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
