दूधाच्या दरासाठी बळीराजा आक्रमक; राज्यभर आंदाेलन छेडण्याचा दिला इशारा

पंढरपूर : सध्या दूध (milk) उत्पादनाचा शुष्क काळ सुरू आहे. तरीही दुधाचे दर मागील दहा दिवसात प्रती लिटर दोन‌ रूपयांनी‌ कमी झाले आहेत. दुधाचे दर येत्या काळात वाढवले नाहीत तर बळीराजा शेतकरी संघटना (baliraja shetkari sanghatana) राज्यभर (maharashtra) आंदोलन (aandolan) पेटवेल असा इशारा प्रदेशाध्यक्ष नितीन बागल यांनी आज पंढरपुरात (pandharpur) येथे दिला आहे. (milk price latest marathi news)

बळीराजा शेतकरी संघटनेचे प्रदेशाध्यक्ष नितीन बागल म्हणाले खासगी दूध संस्थांनी साखळी करून पशुखाद्याचे दर २५० रुपयांनी वाढवले आहेत. तर दुसरीकडे दूधाचे दर दहा दिवसांमध्ये दोन रुपयांनी कमी केले आहेत. यामुळे दूध उत्पादक शेतकरी अडचणीत सापडले आहेत.

शासनाने गाईच्या दूधाला प्रती लिटर ४० रूपये व म्हशींच्या दूधाचा ५० रूपये भाव द्यावा अन्यथा बळीराजा शेतकरी संघटनेच्या वतीने राज्यभरात आंदोलन केले जाईल असा इशारा देखील नितीन बागल (nitin bagal) यांनी माध्यमांशी बाेलताना दिला.

Edited By : Siddharth Latkar