Crime News: वाहत्या सांडपाण्याच्या चेंबरमध्ये गुदमरुन चौघांचा मृत्यू झाल्याची दुखःद आणि दुर्देवी घटना समोर आली आहे. बारामती बारामती तालुक्यातील खांडज येथे ही मन हेलावून टाकणारी घटना घटना घडली असून मृत झालेले तिघे एकाच कुटूंबातील असल्याची माहिती समोर आली आहे. या काळीज पिळवटून टाकणाऱ्या घटनेने परिसरात हळहळ व्यक्त केली जात आहे. (Latest Marathi News)
याबाबत अधिक माहिती अशी की, खांडज(ता.बारामती) येथे वाहत्या सांडपाण्याचा चेंबर साफ करताना एकाच कुटुंबातील तिघाजणांसह शेजारील एकाचा गुदमरून मृत्यू झाला आहे. घटनेनंतर उपचारासाठी सर्वांना बारामती येथील सिल्व्हर ज्युबिली रुग्णालयात आणण्यात आले. मात्र,तत्पुर्वीच या सर्वांची प्राणज्योत मालवली.
या दुर्देवी घटनेमध्ये साफ करण्यासाठी एकजण आतमध्ये उतरला होता. मात्र तो टाकीत अडकल्याने त्याच्या मदतीला इतर तिघे गेले आणि त्यांचाही यामध्ये दुर्देवी मृत्यू झाल्याची माहिती समोर आली आहे.
प्रकाश सोपान आटोळे, प्रविण भानुदास आटोळे, भानुदास आनंदराव आटोळे, बापुराव लहुजी गव्हाणे अशी या चौघाजणांची नावे आहेत. या घटनेने परीसरात खळबळ उडाली आहे. ब्रिटीशकालीन पाईपलाईन साफ करताना ही घटना घडल्याची प्राथमिक माहिती मिळत आहे. सिल्व्हर जुबिली रुग्णालयात नातेवाईकांनी मोठी गर्दी केली आहे. (Baramati )
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
