Baramati Crime : बारामतीमध्ये भर दिवसा एका तरुणाने तरुणीला बेदम मारहाण केल्याची घटना समोर आली आहे. येथील सहयोग सोसायटीच्या गेटवर एका तरुणाने तरुणीला आधी हाताला धरून गेटपासून दूर नेलं आणि नंतर तिला मारहाण केली. या दरम्यान त्याने तिच्या मानेला धरून तिला जमिनीवर आपले. ही धक्कादायक घटना सीसीटीव्हीमध्ये कैद झाली आहे.
बारामती शहरातील सहयोग सोसायटी येथे तरुणी मेहंदी काढण्यासाठी गेली होती. त्यावेळी आरोपी तरुणाने तिचा विनयभंग केला आहे. तसेच तिला फरफटत घराबाहेर नेले आणि तिला मारहाण केले. यात ती तरुणी जखमी झाली आहे. या प्रकरणी बारामती शहर पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार पीडित तरुणी सहयोग सोसायटी येथे मेहंदी काढण्यासाठी गेली होती. ही तरुणी ज्या घरात मेहंदी काढण्यासाठी गेली होती तिथे जाऊन तरुणाने तिला बाहेर बोलवून घेतले. त्यानंतर तू माझ्याबरोबर चल असे म्हणून तिचा हात पकडून तिला फरफटत बंगल्याच्या गेटच्या बाहेर नेले आणि माझ्याशी लग्न कर असा अग्रह केला.
त्यानंतर तो तिला पळवून नेण्याचा प्रयत्न करू लागला. तिछे त्याने तिच्या गालावरून हात फिरवून तू मला आवडते असे म्हणत पीडितेचा विनयभंग केला. तरुणीने त्याला विरोध केल्यानतंर त्याने तिला मानेला धरून जमीनीवर आपटलं. यात तरुणीच्या गुडघ्याला जखम झाली आहे. या तरुणाने तिला शिवीगाळ दमदाटी केल्याचा आरोप पीडितेने केला आहे. (pune news)
या प्रकरणी तरुणीने दिलेल्या तक्रारीवरून बारामती शहर पोलीस ठाण्यात गुन्हा नोंद करण्यात आला आहे. विशेष म्हणजे ज्या सहयोग सोसायटीच्या गेटवर या तरुणीला मारहाण झाली, त्या सोसायटीत विरोधी पक्षनेते अजित पवार यांचं घर आहे. बारामती शहर पोलिसांनी भा.द.वि. 354, 354D, 323, 363, 504, 506 गुन्हा नोंद केला असून पुढील तपास सुरू आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.