बारामती : बारामती (Baramati) शहरातील खंडोबा नगर परिसरात एका महिलेला मारहाण केल्याची घटना घडली असून या मारहाणीचा व्हिडिओ सोशल मीडियावर (Social Media) चांगलाच व्हायरल झाला आहे. वराह पालनावरून परिसरातील नागरिकांना त्रास होत होता.
यासाठी आज खंडोबा नगर येथे बैठक घेण्यात आली होती. या बैठकी दरम्यान ही धक्कादायक घटना घडली आहे. बारामती शहर पोलीस ठाण्यात गुन्हा दाखल करण्याची प्रक्रिया सुरू आहे. ज्यांनी मारहाण केली आहे ते वराह पालनाचा व्यवसाय करीत असून वराह परिसरातील नागरिकांना त्रासदायक ठरत होते.
पाहा व्हिडीओ -
मारहाण झालेल्य़ा महिलेच्या अंगणात देखील वराह जात असल्याने या वराहाचा बंदोबस्त करावा यासाठी स्थानिक नागरिकांनी नगरपालिकेकडे (Municipality) तक्रार देखील केली होती.
मात्र, हा विषय तेथेच मिटवण्याच्या दृष्टीने आज बैठक घेण्यात आली होती मात्र या बैठकी दरम्यानच मारहाण झाल्याची घटना घडली आहे. पीडित महिलेने सांगितलं की , आज बोलाविण्यात आलेल्या बैठकीदरम्यान, वराह पालन करणाऱ्या लोकांनी आपणाला शिवीगाळ करत मारहाण केल्याचं सांगितलं.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.