बीड - परळी महामार्ग बनला मृत्यूचा सापळा; सलग दुसऱ्या दिवशी भीषण अपघात, १ ठार
Beed accident Saam Tv

बीड - परळी महामार्ग बनला मृत्यूचा सापळा; सलग दुसऱ्या दिवशी भीषण अपघात, १ ठार

बीड-परळी (Beed) महामार्ग जणू काही मृत्यूचा सापळा बनला आहे. दिवसेंदिवस या महामार्गावर अपघाताची मालिका सुरू आहे.

बीड : बीड-परळी (Beed) महामार्ग जणू काही मृत्यूचा सापळा बनला आहे. दिवसेंदिवस या महामार्गावर अपघाताची मालिका सुरू आहे. आज सलग दुसऱ्या दिवशी रिक्षा-पीकअप गाडीचा भीषण अपघात (Accident) झाला आहे. या अपघातात १७ वर्षीय १ तरुण जागीच झाला आहे. तसेच या अपघातात ३ जण गंभीर झाले आहेत. बीड-परळी महामार्गावरील पोखरी फाट्यावर अपघात झाला आहे. ( Beed accident News In Marathi )

Beed accident
Parbhani : गॅसची टाकी परत मागण्यासाठी गेलेल्या व्यक्तीची हत्या; परभणीतील खळबळजनक घटना

बीड-परळी महामार्गावरील पोखरी फाट्यावर भीषण अपघात झाला आहे. अपघातातील दोन्ही वाहने बीडहून वडवणी जात होते. यादरम्यान, रिक्षाचे उजव्या बाजूचे टायर फुटले. यावेळी पिकअपची रिक्षाला जोरदार धडक बसली. यामुळे १७ वर्षीय ओमकार महादेव क्षीरसागर हा मुलगा टायरखाली येऊन जागीच ठार झाला आहे. त्याच्यासोबत अन्य ३ प्रवासी देखील पिकअप खाली आले. पिकअप खांब्याला धडकल्याने गती कमी झाली. या अपघातात तीन जखमीपैकी १ जण गंभीर जखमी आहे. या अपघातामुळे आजूबाजूच्या परिसरातील लोकांमध्ये एकच खळबळ उडाली. त्यानंतर आजूबाजूला राहणारे रहिवासी अपघातग्रस्तांच्या मदतीसाठी धावले. या अपघातात जखमी झालेल्या जखमींवर रुग्णालयात उपचार सुरू आहेत.

Beed accident
प्लास्टिकचा वापर करणं पडणार महागात, 1 जुलैपासून 'या' वस्तूंवर बंदी, CPCB चा अॅक्शन प्लॅन तयार

दरम्यान, २ दिवसांपूर्वीच एका कारने दुचाकीला धडक दिल्याने दुचाकीस्वार जागीच ठार झाला होता. तर गेल्या काही दिवसांपूर्वी २ दुचाकी समोरासमोर धडकल्याने २ जण जागीच ठार झाले होते. या महामार्गावर हे अपघात थोड्या-थोड्या अंतरावर घडले आहेत. त्यामुळे हा महामार्ग मृत्यूचा सापळा बनत असल्याचं चित्र निर्माण झालं आहे. अपघात वाढल्याने बीड-परळी येथे राहणाऱ्या लोकांची चिंतेत भर पडली आहे. त्यामुळे स्थानिकांनी वाढते अपघात रोखण्यासाठी स्थानिक प्रशासनाने महामार्गावर दुरुस्ती करावी, अशी मागणी लोकांमध्ये होऊ लागली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com