संतापजनक! कला केंद्रचालकाकडून महिलेला बेदम मारहाण; १२ वर्षांच्या मुलीला ठेवले डांबून

महिलेच्या शरीरावर काळीज पिळवटून टाकणाऱ्या जखमा.
संतापजनक! कला केंद्रचालकाकडून महिलेला बेदम मारहाण; १२ वर्षांच्या मुलीला ठेवले डांबून
Beed Crime NewsSaam tv

बीड: आपल्या मुलीचे शिक्षण आणि तिचे लग्न व्हावे, यासाठी परिस्थितीशी दोन हात करत कला केंद्रावर काम करणाऱ्या ३५ वर्षीय महिलेला कलाकेंद्र चालकाने बेदम मारहाण केल्याचे समोर आले आहे. ही घटना बीड (Beed) जवळ घडली आहे. विशेष म्हणजे या महिलेला वायरने आणि पट्ट्याने मारहाण केली आहे. तिच्या बारा वर्षाच्या मुलीला डांबून ठेवण्यात आल्याचे देखील पीडितेने म्हटले आहे.

'आज सामाजिक कार्यकर्त्यांची मदत घेऊन तिने पोलीस (Police) अधीक्षक कार्यालयात धाव घेतली. मात्र गेल्या १५ दिवसांपासून मी वणवण फिरते आहे, मात्र माझे कोणीच ऐकून घेत नाही. मला न्याय देत नाही', असं त्या महिलेने म्हटले आहे.

बीड - सोलापूर (Solapur) या महामार्गावर असणाऱ्या उदंडवडगाव येथील कलाकेंद्रावर ३५ वर्षीय पीडिता गेल्या पाच वर्षांपासून काम करत आहे. यादरम्यान तिच्याकडून गाण्यावर डान्स करून घेतला जातो. मात्र तिच्याकडून बळजबरीने वेश्याव्यवसाय देखील करून घेतला जात असल्याचा आरोप पीडितेने केला आहे. तर गेल्या एक तारखेला कला केंद्र चालकाने पीडितेला चक्क वायरने पट्ट्याने गंभीर मारहाण केली असल्याचे तिने सांगितले. यामध्ये पीडितेच्या पायावर, पाठीवर हातावर आणि संपूर्ण शरीरावर मोठमोठ्या जखमा देखील झाल्या आहेत. ' मला न्याय देण्यात यावा, माझ्या मुलीची सुटका करण्यात यावी, संबंधित कला केंद्र चालकांवर कारवाई करण्यात यावी,' अशी मागणी पीडित महिलेने केली आहे.

Beed Crime News
'धोका अद्याप टळलेला नाही!' केंद्राचे राज्यांना आवाहन म्हणाले, विद्यार्थ्यांचे लसीकरण...

सामाजिक कार्यकर्त्या मुसळे म्हणाल्या, पीडिता ही माझ्याकडे आली आणि तिने आपली आपबीती सांगितल्यानंतर मला धक्काच बसला. त्या कला केंद्र चालकाने एवढी अमानुष मारहाण केली. जे पाहून कोणाच्याही काळजाला पाझर फुटेल. सध्या तिची मुलगी त्या कला केंद्र चालकाच्या ताब्यात आहे. तिचे कोणी ऐकत नाही, तिची तक्रार कोणी घेतली नाही. त्यामुळे आज आम्ही पोलीस (Police) अधीक्षक कार्यालयात आलो आहोत.

Beed Crime News
शरद पवारांनी युपीएचे नेतृत्व करावे; जितेंद्र आव्हाड यांचे वक्तव्य

प्रशासनाने याची गंभीर दखल घेऊन पीडितेला न्याय द्यावा. अशी मागणी मुसळे यांनी केली. तात्काळ त्या कला केंद्र चालकावर गुन्हा दाखल करून कारवाई केली नाही, तर आम्ही रस्त्यावर उतरू. असा इशारा सामाजिक कार्यकर्ते विलास बामणे यांनी दिला आहे. दरम्यान, बीड जिल्ह्यात महिला आणि मुलींवरील अत्याचाराच्या प्रमाणात दिवसेंदिवस वाढ होत असतानाच, आज पून्हा हा अमानुष मारहाणीचा धक्कादायक प्रकार उघडकीस आल्याने संताप व्यक्त केला जात आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com