Beed Crime News: गेल्या काही दिवसांपासून राज्यात अल्पवयीन मुली आणि विवाहित महिला बेपत्ता होण्याचं प्रमाण वाढलं आहे. पोलिसांनी गायब झालेल्या मुलींचा शोध घ्यावा अशी मागणी नागरिकांकडून केली जातेय. अशातच बेपत्ता अल्पवयीन मुलीचा शोध घेण्यासाठी पोलिसांनी पॉकेट मनी म्हणून पीडित मुलीच्या वडिलांकडूनच २५ हजार रुपये घेतल्याचा धक्कादायक प्रकार समोर आला आहे. (Breaking Marathi News)
बीडच्या (Beed News) नेकनुर पोलीस ठाण्यामध्ये हा प्रकार घडला आहे. यामुळे संताप व्यक्त केला जात असून पोलीस प्रशासनात थोडीफार माणुसकी उरली नाही का ? असा सवाल नागरिक विचारत आहे. यासंदर्भात पीडित पालकाने थेट पोलीस अधीक्षकांना पत्र लिहून घडलेला प्रकार कथन केला आहे.
नेकनूर पोलीस ठाण्याच्या हद्दीत मागच्या काही काळात पोलिसांची मनमानी सुरु आहे. मुलगी हरवलेल्या पित्याकडून देखील पोलीस पैसे मागत असल्याची तक्रार सदर मुलीच्या पित्याने थेट पोलीस (Police) अधीक्षकांकडे केली आहे. दत्ता खराडे यांनी आपल्या मुलीचा शोध लावण्यासाठी नेकनूर पोलिसांनी २५ हजार रुपये घेतल्याचे म्हटले आहे.
तसेच त्यानंतर देखील तपस करण्यासाठी तुम्ही स्वतः चारचाकी गाडी घेऊन या, असे पोलीस सांगत असल्याचे या तक्रारीत म्हटले आहे. त्यामुळे नेकनूर पोलिसांनी माणुसकी विकली आहे का ? जर कुंपणचं शेत खाणार असेल, तर दाद मागायची कोणाकडे ? असा प्रश्न पीडित मुलीच्या वडिलांना पडला आहे.
Edited by - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
