बीड : बीड जिल्ह्यातील बक्करवाडी येथील शितल गाडे या महिलेचा अवैध गर्भपात करताना, अतिरक्तस्त्राव झाल्याने दुर्दैवी मृत्यू झाला होता. या मयत महिलेचे गर्भलिंग निदान ज्या, शिकाऊ डॉक्टरने केले होते, त्या सतीश सोनवणेला पोलिसांनी औरंगाबादमधून ताब्यात घेतलं आहे. त्याला न्यायालयात हजर केले असता, न्यायालयाने त्याला 4 दिवसांची पोलीस कोठडी सुनावली आहे. (Beed Crime News in Marathi)
धक्कादायक बाब म्हणजे सोनवणे याने आतापर्यंत जवळपास 150 महिलांचे गर्भलिंगनिदान केल्याचा अंदाज पोलिसांनी व्यक्त केला आहे. त्यामुळे या 150 पैकी किती मुली होत्या ? आणि त्यापैकी किती महिलांचे गर्भपात केले गेले ? याचा तपास करणे आता पोलिसांसमोर आव्हान ठरणार आहे. (Beed Latest Marathi News)
दरम्यान आतापर्यंत या प्रकरणात 7 जणांवर गुन्हा दाखल झाला आहे. त्यापैकी 6 जण पोलिसांच्या ताब्यात असून एक महिला नर्स मयत आहे. तर पकडण्यात आलेल्या आरोपींकडून नवनवीन धक्कादायक माहिती समोर येत असल्याने खळबळ उडाली असून यामध्ये मोठं रॅकेट सक्रिय असण्याची शक्यता वर्तविली जात आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.