बीड: 'त्या' बालविवाहितेवर बलात्कार प्रकरणी आणखी चौघे अटकेत

साम टीव्हीच्या बातमीनंतर बीड पोलिसांकडून तपासाला वेग
बीड: 'त्या' बालविवाहितेवर बलात्कार प्रकरणी आणखी चौघे अटकेत
बीड: 'त्या' बालविवाहितेवर बलात्कार प्रकरणी आणखी चौघे अटकेतSaam Tv News

विनोद जिरे

बीड: बीडच्या अंबाजोगाईत 16 वर्षीय अल्पवयीन मुलीवर झालेल्या अत्याचाराबाबत साम टिव्हीने बातमी दाखवली होती. या साम टीव्हीच्या बातमीनंतर आता पोलीस प्रशासन ॲक्शन मोडमध्ये आहे. काल पीडितेचा पुरवणी जबाब इनकॅमेरा घेण्यात आला आहे. यावेळी पीडितेने अत्याचार करणाऱ्या काही लोकांची नावे तर काहींचे वर्णन व घटनास्थळाची सविस्तर माहिती दिली आहे. यात तिने दोन पोलिसांचाही उल्लेख केला आहे . त्यापैकी एकाने हॉटेलवर नेऊन अतिप्रसंग करण्याचा प्रयत्न केला तर दुसऱ्याने तिला स्वतःच्या घरी नेऊन लैंगिक अत्याचार केल्याचा खळबळजनक दावा तिने केला.

बीड: 'त्या' बालविवाहितेवर बलात्कार प्रकरणी आणखी चौघे अटकेत
बीडमध्ये 16 वर्षाच्या मुलीवर 50 ते 100 लोकांकडून वेळोवेळी बलात्कार (पहा Video)

त्यानंतर आता पोलिसांनी तपासाला वेग दिला असून या प्रकरणात पिडीतेच्या पित्यासह 3 जणांना अगोदरचं ताब्यात घेतले होते. मात्र रात्री पुन्हा 4 जणांना पोलीसांनी ताब्यात घेतले आहे. तर अंबाजोगाई शहरातील मुख्य ठिकाणचे सीसीटीव्ही फुटेज तपासण्यास सुरूवात केली आहे.

बीड: 'त्या' बालविवाहितेवर बलात्कार प्रकरणी आणखी चौघे अटकेत
बीड हादरलं! 13 वर्षीय बालविवाहितेवर नवरा, जन्मदात्यासह 400 जणांकडून बलात्कार

रुग्णालयातील काहींनी तिच्यासोबत गैरवर्तन केल्याचे बोलले जाते आहे!

गेल्या 6 महिन्याच्या कालखंडात सदरील पिडीतेने अंबाजोगाईच्या स्वराती रुग्णालयात तब्बल 32 वेळा उपचार घेतल्याची नोंद पोलीसांना सापडली आहे. या दरम्यानही रुग्णालयातील काहींनी तिच्यासोबत गैरवर्तन केल्याचे बोलले जाते आहे. त्यामुळं पोलीस त्या दिशेनेही तपास करत आहेत. दरम्यान साम टीव्हीने हा सर्व प्रकार दाखवल्यानंतर प्रशासन खडबडून जागे झाले आहे. पोलिसांकडून तपासाला वेग दिला जात असून या पीडितेला न्याय द्यावा. अशी मागणी आता सर्व स्तरातून होताना दिसून येत आहे.

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com