Dasara Melava : भगवानगडावरील दसरा मेळाव्याला विरोध; पंकजा मुंडेंच्या भूमिकेकडे लक्ष

Bhagwangad Dasara Melava : भगवान गडावर (Bhagwangad) दसरा मेळावा घेण्यावरून पुन्हा एकदा वाद होण्याची शक्यता आहे. कारण, भगवानगडावर दसरा मेळावा (Dasara Melava) घेऊ नये, असा ठराव भगवानगडाच्या पायथ्याशी असणाऱ्या गावांनी घेतला आहे. अहमदनगर जिल्ह्यातील खरवंडी, मालेवाडी आणि बीड जिल्ह्यातील घोगस पारगाव या गावांनी हा ठराव घेतला आहे. (Pankaja Munde Dasara Melava News)

2015 साली पंकजा मुंडेंना (Pankaja Munde) भगवान गडावर दसरा मेळावा घेण्यास महंत नामदेव शास्त्री यांनी विरोध केला होता. त्यानंतर पंकजा मुंडे यांनी भगवान गडाचे महंत नामदेव शास्री यांना भावनिक पत्र लिहून ‘गडावर मेळाव्यासाठी फक्त 20 मिनिटांची परवानगी द्या’ असं आवाहन केलं होतं. आता यावर्षीचा दसरा मेळावा कृती समितीने इथेच मेळावा घेण्याचं जाहीर केलं. आणि पंकजा मुंडे यांचा दसरा मेळावा चर्चेत आला.

मात्र भगवानगडावर दसरा मेळावा घेऊ नये, असा ठराव भगवान गडाच्या पायथ्याशी असणाऱ्या गावांनी घेतला आहे. अहमदनगर जिल्ह्यातील खरवंडी, मालेवाडी आणि बीड जिल्ह्यातील घोगस पारगाव या गावांनी हा ठराव घेतला आहे. गडाच्या पाच किलोमीटर अंतरावर कोणताही दसरा मेळावा घेऊ नये, असं या पत्रकात म्हटल आहे. (Bhagwangad Dasara Melava News)

संत भगवान बाबांच्या गडावर कुठल्याही प्रकारचा सामाजिक, राजकीय दसरा मेळावा आणि भाषणास प्रतिबंध घालण्यात यावा. परंपरेनुसार दसऱ्याच्या दिवशी केवळ संत भगवान बाबा समाधीचे दर्शन आणि सीमोल्लंघन यासाठीच भाविकांना परवानगी द्यावी, असा ठराव यावेळी घेण्यात आलाय. याबाबत पंकजा मुंडे यांनी कोणतीही भूमिका माध्यमांसमोर मांडलेली नाही.

Edited By - Satish Daud