बीड : खंडणीसाठी कॉन्ट्रॅक्टरच्या मुलीचे अपहरण केल्याची धक्कादायक घटना बीडच्या आष्टी शहरात उघडकीस आली. त्यामुळे (Beed News) जिल्ह्यात वाढत असणाऱ्या गुन्हेगारीमुळे कायदा सुव्यवस्था आहे का? असा प्रश्न नागरीकांना पडत आहे. आष्टी (Ashti) शहरातील गुत्तेदाराकडून खंडणी वसूल करण्याच्या हेतूने खंडणी बहाद्दरांनी त्यांच्या अल्पवयीन मुलीचे अपहरण करून इंदापूर-भिगवन परिसरात डांबून ठेवले होते. (Maharashtra News)
मुलगी सुरक्षीत पाहिजे असेल तर ३ लाख घेवून ये.. असे फोन येत होते. यानुसार मुलीच्‍या वडीलांनी पोलिसात तक्रार दाखल केली. या तक्रारीवरून आष्टी पोलीस आणि सायबर विभाग यांनी तांत्रिक तपासाला वेग देत संबंधित आरोपी आणि पिडित मुलगी ही इंदापूर- भिगवन परिसरामध्ये असल्याची माहिती मिळाली. यानंतर आष्टी पोलिसांनी या भागात सापळा रचला.
गोपनियता पाळत मुलीची सुटका
खंडणी बहाद्दरांनी पिडित मुलीस डांबून ठेवल्याचे पोलिसांच्या लक्षात आले. तेव्हा पोलिसांनी अत्यंत गोपनियता आणि सावधपणे डांबून ठेवलेल्या ठिकाणावरून पिडित मुलीची सुटका करत तिला स्वत:च्या ताब्यात घेतले. तर याच दरम्यान संबंधित अपहरण कर्त्याच्याही पोलिसांनी मुसक्या आवळल्या आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
