बीड : सार्वजनिक बांधकाम विभागाचा गलथान कारभार सुरु असल्याचा आरोप करत मनसेच्या वतीने गांधीगिरी करत (Beed) अनोखे आंदोलन करण्यात आले. यावेळी मनसेच्या (MNS) कार्यकर्त्यांनी बांधकाम विभागाचे कार्यकारी अभियंत्याच्या खुर्चीची महापूजा करत निषेध व्यक्त केला. (Live Marathi News)
बीडच्या आष्टी, पाटोदा, शिरूर तालुक्यात सार्वजनिक बांधकाम विभागाच्या गलथान कारभारा विरोधात महाराष्ट्र नवनिर्माण सेनेच्यावतीने आज अनोखे आंदोलन करण्यात आले आहे. यावेळी कार्यकारी अभियंत्यांच्या खुर्चीची महापूजा करण्यात आली. (Ashti) अर्धवट रस्ते व त्याचे बिल उचलणाऱ्या अधिकारी आणि गुत्तेदारावर कारवाई करावी; अशी मागणी देखील यावेळी करण्यात आली.
अधिकारी आणि गुत्तेदारांनी संगनमताने कोट्यावधीची कामे कागदपत्रावर करून पैसे उचलले असल्याचा गंभीर आरोप मनसेने केला आहे. तसेच तीन तालुक्यात कोट्यावधी रुपयाचा भ्रष्टाचार झाला असल्याचा आरोप देखील मनसेने केला. दरम्यान या संपूर्ण बोगस कामांची चौकशी करून अर्धवट रस्ते पूर्ण करावेत, अशी मागणी मनसे आंदोलकांनी केली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
