Beed Accident: बीडमधून एक भीषण अपघाताची घटना समोर आली आहे. बीडच्या अंबाजोगाई- लातूर महामार्गावर मालवाहू पीकअप आणि दुचाकीचा भीषण अपघात झाला. यामध्ये एकाचा जागीच मृत्यू झाला असून एक जण गंभीर जखमी झाला आहे.
याबाबत सविस्तर माहिती अशी की, बीडच्या (Beed) अंबाजोगाई- लातूर महामार्गावर मध्यरात्री पिकअप आणि दुचाकीचा भीषण अपघात झाला. महामार्गावरील लोखंडी सावरगाव परिसरात झालेल्या या दुर्घटनेत दुचाकीवरील एक जण ठार तर एक जण गंभीर जखमी झाला आहे.
अपघाताची माहिती मिळताच स्थानिकांनी तात्काळ धाव घेत अपघातातील जखमींना रुग्णालयात पोहोचण्यास मदत केली.हा अपघात इतका भीषण होता की दुचाकीचा चक्काचूर झाला. या अपघातातील दोघांची ओळख अद्याप पटलेली नसून अंबाजोगाई पोलीस पुढील तपास करत आहेत.
दरम्यान, रविवार(९ सप्टेंबर) ला बीड जिल्ह्यात दुसरी एक भीषण अपघाताची घटना घडली होती. बीड -परळी राष्ट्रीय महामार्गावरील बकरवाडी फाट्याजवळ रविवारी रात्री ९ वाजेच्या सुमारास भरधाव वेगाने येणाऱ्या कंटेनरने ॲपे रिक्षाला जोरदार धडक दिली. ही धडक इतकी भीषण होती, की यामध्ये आईसह दोन मुलांचा जागीच मृत्यू तर एकजण गंभीर जखमी झाला आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
