Pankaja Munde News: राजकारणाचे व्यासपीठ धर्माच्या लोकांनी व्यापलं; पंकजा मुंडे यांचा महंतांना टोला

बीड : सत्तेत व्यस्त असताना मी गहिनीनाथ गडाचे कार्यक्रम चुकवले नाही. आता सत्तेत नाही. आता तर तिन चार दिवस (Beed News) कीर्तनात येवू शकते. मात्र धर्माचं व्यासपिठ राजकारण्यांनी व्यापून टाकलं आणि राजकारणाचे व्यासपिठ धर्माच्या लोकांनी व्यापले, म्हणून मी जाणं टाळलं; असे म्हणत पंकजा मुंडे (Pankaja Munde) यांनी महंतांना टोला लगावला. (Latest Marathi News)

संस्कार सक्षम नसतात ते नितीमत्ता बदलतात. वारकरी संप्रदायाचे हे मूळ आहे. गहिनीनाथ गड आहे. गोपिनाथ मुंडेच्या पोटी जन्म झाला हे भाग्य असून नशिबाने मिळाले ते टिकवणे महत्वाचे असल्‍याचे देखील पंकजा मुंडे यावेळी म्‍हणाल्‍या.

२०१८ ला पंचवीस कोटी निधी तुमची लेक पालकमंत्री असताना दिली. मुख्यमंत्री, उपमुख्यमंत्री आजच्या सरकारने घोषित केलेले २५ कोटी एकरकमी द्यावे; अशी मागणी पंकजा मुंडें यांनी केली. पदावर आणि गादीवर नसेल तर लोकं विचारत नाहीत. पणं मी भाग्यवान आहे, लोकांचे प्रेम मला मिळत आहे. लोकांनी आग्रह केला म्हणून या ठिकाणी आले.