मुकादमाच्या जाचास कंटाळून ऊसतोड मजुराची आत्महत्या

बीडच्या परळी तालुक्यातील जयगाव येथील घटना
मुकादमाच्या जाचास कंटाळून ऊसतोड मजुराची आत्महत्या
Beed Crimeविनोद जिरे

बीड: ऊसतोड मुकादमाच्या जाचास कंटाळून, एका ऊसतोड मजुराने आत्महत्या केल्याची खळबळजनक घटना समोर आली आहे. ही घटना बीडच्या (Beed) परळी तालुक्यातील जयगाव (Jaigaon) येथे घडली आहे. भगवान श्रीरंग शिंदे (वय-४०) असे मयत मजुराचे नाव आहे.

बीडच्या माजलगाव (Majalgaon) तालुक्यात असणाऱ्या ढोरगावी येथील ऊसतोड मजूर, भगवान श्रीराम शिंदे आपल्या पत्नीसह गंगाखेड शुगर कारखान्यासाठी (Sugarcane) ऊसतोडणी करत होते. परळी येथील संजय शिंदे हा त्यांच्या टोळीचा मुकादम होता. टोळीवर सतत खटकत असल्याने २ महिन्यापुर्वीच भगवान शिंदे व त्यांची पत्नी गावी (village) वापस आले होते. त्यांच्याकडे फिरलेला हिशोब घेण्यासाठी मुकादम संजय शिंदे, विजयकुमार गडदे, आसाराम शिंदे, गोटू आसाराम शिंदे यांनी त्यांच्या ढोरगावी १० मे रोजी जाऊन भगवान शिंदे यांना फिरलेले पैसे मागितले.

हे देखील पाहा-

यावेळी मजूर भगवान शिंदे यांनी हिशोब करुन ४ दिवसात पैसे देतो असे सांगितले. पंरतु, मुकादम व त्याच्या सहकाऱ्यांनी न ऐकता, थेट ऊसतोड मजूर शिंदे यास मारहाण करत मोटारसायकलवर बसवून, ऊसतोड मजूर शिंदे यांना जयगाव ता.परळी येथील एका शेती आखाड्यावर नेले. आणि त्या ठिकाणी २ दिवस मारहाण करत छळ केला. यास कंटाळून मजूर भगवान शिंदे यांनी गळफास घेऊन आत्महत्या केली. २ दिवसांपूर्वी हा प्रकार उघडकीस आला असून घटना समजताच मयताची पत्नी मुक्ताबाई व नातेवाईक त्या ठिकाणी गेले. त्यानंतर घडलेला सर्व प्रकार सिरसाळा पोलिसांना (police) सांगितला.

Beed Crime
धक्कादायक! अकोल्यातील दोन युवकांचा तलावात बुडून मृत्यू

याप्रकरणी दिलेल्या फिर्यादीवरून सिरसाळा पोलीस ठाण्यात कलम ३०६, ३६५, ३२३, ३५ भादवी सह ॲट्राॅसिटी ॲक्टनुसार गुन्हा दाखल करण्यात आला आहे. दरम्यान काही दिवसांपूर्वीच बीडच्या गेवराई तालुक्यातील, एका मुकादमाने १४ ऊसतोड मजुरांसह त्यांच्या मुलांना उचलीचे पैसे फिरल्याने डांबून ठेवले होते. त्यानंतर ही घटना घडल्याने ऊसतोड मजुरांच्या सुरक्षेचा प्रश्न ऐरणीवर आला आहे. मनाला वाटेल तसं मुकादम ऊसतोड मजुरांसोबत वागत आहेत. यामुळे ऊसतोड मजूर नेत्यांनी या मजुराच्या कुटुंबाला न्याय मिळवून द्यावा, अशी मागणी केली जात आहे.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.