भंडारा : मद्यधुंद ट्रॅक्टर चालकाचा भरधाव असलेल्या ट्रॅक्टरवरून ताबा सुटला. यामुळे झालेल्या अपघातात (Accident) ट्रॅक्टर चालकाचा जागीच मृत्यू झाल्याची घटना (Bhandara) भंडारा जिल्ह्याच्या लाखांदूर येथे घडली आहे. खेडचंद शेडमाके असे या घटनेतील मृतकाचे नाव आहे. (Letest Marathi News)
पिंपळगाव कोहली निवासी आशिष परशुरामकर यांच्या मालकीच्या ट्रॅक्टरमध्ये घरगुती कामाकरीता विटा भरून लाखांदूरवरून पिंपळगाव कोहलीकडे जात होता. लाखांदूर येथील शवविच्छेदन गृहाच्या मागील पटांगणावरील रस्त्यावर भरधाव असलेला ट्रॅक्टर अनियंत्रित झाला. ट्रॅक्टर चालक खेडचंद शेडमाके हा ट्रॅक्टर नियंत्रित करण्याच्या बेतात असताना अचानक उसळून ट्रॅक्टर खाली पडला व यातच त्याचा मृत्यू (Death) झाला.
रुग्णालयात पोहचण्यापुर्वीच मृत्यू
अपघाताची माहिती मिळताच काही लोकांनी खेडचांद शेडमाके यांना ग्रामीण रुग्णालयात उपचारासाठी नेले. मात्र त्यापूर्वीच त्याचा मृत्यू झाला. लाखांदूर पोलिसांना घटनेची माहिती मिळताच पोलीसांनी घटनास्थळी पोहचून पंचनामा करून प्रकरणाची नोंद केली आहे. पुढील तपास लाखांदूर पोलीस करीत आहेत. आज होळीच्या पहिल्याच दिवशी अपघातात मृत्यू झाल्याने हळहळ व्यक्त केल्या जात आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
