धक्कादायक! दारूचे व्यसन सुटत नाही म्हणून तरुणाने उचललं टोकाचं पाऊल

रोशन भाऊराव टेकाम (वय 34) रा. टिळक वॉर्ड, गांधी चौक भंडारा असे मृताचे नाव आहे.
धक्कादायक! दारूचे व्यसन सुटत नाही म्हणून तरुणाने उचललं टोकाचं पाऊल
Crime Newssaam tv

भंडारा : भंडारा जिल्ह्यातून एक धक्कादायक घटना समोर आली आहे. दारूचे व्यसन सुटत नाही म्हणून एका तरुणाने वैनगंगा नदीत उडी घेऊन आयुष्याचा शेवट केला. सदरील घटना शुक्रवारी भंडारा शहरालगत कारधा येथील वैनगंगा नदीपात्रात घडली आहे. रोशन भाऊराव टेकाम (वय 34) रा. टिळक वॉर्ड, गांधी चौक भंडारा असे मृताचे नाव आहे. विशेष म्हणजे दारू सोडविण्यासाठी रोशनला व्यसनमुक्ती केंद्रातही ठेवण्यात आले होते. (Bhandara Latest Crime News)

Crime News
काय सांगता? चोरट्याने लांबविला चक्क रोडरोलर; एकास अटक

माहितीनुसार, मागील काही वर्षांपासून रोशनला दारूची सवय लागली होती. रोशनने दारू सोडावी म्हणून त्याचे कुटुंबीय त्याला आग्रह करत होते. इतकंच नाही तर, दारू सुटावी म्हणून कुटुंबीयांनी संकल्प व्यसनमुक्ती केंद्रात 40 दिवस ठेवलं होतं. व्यसनमुक्ती केंद्रातून आल्यानंतर रोशनवर घरी उपचार सुरू झाले.

दरम्यानच्या काळात त्याची दारू बंद झाली होती, मात्र दोन महिन्यांपूर्वी रोशनने दारू सोडण्याच्या गोळ्या घेणे बंद करून पुन्हा दारू प्राशनास सुरुवात केली. यामुळे त्याची मानसिक स्थिती पुन्हा बिघडली. आणि त्यातच त्याला नैराश्य आलं. दरम्यान, शुक्रवारी रोशन हा घरातून कुणालाही काही न सांगता बाहेर पडला.

Crime News
मनसे नेते वसंत मोरे यांच्या मुलाला धमकीचं पत्र; पुण्यात खळबळ

बराच वेळ होऊन सुद्धा तो घरी न आल्याने कुटुंबातील इतर सदस्यांनी त्याचा शोध घेतला. दरम्यान, रोशनचा मृतदेह शहरालगतच्या कारधा येथील वैनगंगा नदीपात्रात आढळून आला. या घटनेने टेकाम कुटुंबियांवर दुःखाचा डोंगर कोसळला आहे. या घटनेची माहिती भंडारा ठाण्यात देण्यात आली असून पोलीस अधिक तपास करीत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com