Maharashtra Rain : महाराष्ट्राचा तेलंगणाशी संपर्क तुटला; भंडा-यात रेड अलर्ट, उद्या शाळांना सुटी

गेले दाेन दिवस झाले पावसानं राज्यातील विविध भागांना झाे़डपलं आहे.
Maharashtra Rain Update
Maharashtra Rain UpdateSaam Tv

चंद्रपूर/ भंडारा : भंडारा जिल्ह्यात अतिवृष्टीचा (Bhandara Rain Update) इशारा देण्यात आल्याने संभाव्य धाेका टाळण्यासाठी भंडारा जिल्हाधिकारी यांनी सर्व शाळांना (School holidays in bhandara) उद्या (बुधवार) सुटी जाहीर केली आहे. दरम्यान चंद्रपूर जिल्ह्यात पावसाची (Chandrapur Rain Update) संततधार सुरू आहे. पावसामुळंं (rain) महाराष्ट्र आणि तेलंगणाचा संपर्क तुटला आहे. नदी काठच्या गावांनी सतर्क राहावे असे आवाहन चंद्रपूरच्या प्रशासनाने केले आहे. (Maharashtra Rain Update)

भंडा-यात उद्या शाळांना सुटी

भारतीय हवामान खात्याने दिलेल्या अलर्ट नुसार भंडारा जिल्ह्यात पावसाचा रेड अलर्ट घोषित केल्याने जिल्ह्यात मुसळधार पावसासह अतिवृष्टी होण्याची शक्यता लक्षात घेता संभाव्य अपघात टाळण्यासाठी भंडारा जिल्ह्यातील सर्व शासकीय व निमशासकीय शाळा, अंगणवाडी, शिकवणी वर्ग यांना जिल्हाधिकारी संदीप कदम यांनी उद्या (बुधवार 10 ऑगस्ट) सुट्टी जाहीर केली आहेत. या आदेशाचे उलंघन करणाऱ्यांवर आपत्ती व्यवस्थापन कायद्यानुसार कारवाई ही करण्यात येणार आहे.

Maharashtra Rain Update
Maharashtra Rain : मुंबईसह राज्याला पावसानं झाेडपलं, वाचा कूठं काय घडलं

महाराष्ट्राचा तेलंगणाशी संपर्क तुटला

चंद्रपूर जिल्ह्यात पावसाची संततधार सुरू आहे. जिल्ह्यात गेल्या 24 तासात सरासरी 50 मिलिमीटर पावसाची नोंद झाली आहे. वर्धा नदीवर अमरावती-यवतमाळ जिल्ह्यात बांधलेल्या अप्पर व लोअर वर्धा या धरणांमधून मोठा विसर्ग होत असल्याने वर्धा नदी पात्रात पाणीसाठ्यात मोठी वाढ झाली आहे. महिनाभरात तिसऱ्यांदा महाराष्ट्राचा तेलंगणाशी संपर्क तुटला आहे.

Maharashtra Rain Update
Maharashtra : इकडं मंत्रिमंडळ विस्तार; तिकडं काॅंग्रेसचा विराेधी पक्षनेते पदावर दावा

बल्लारपूरात पावसाचा जाेर वाढला

बल्लारपूर शहराजवळच्या वर्धा नदी पुलावर पुराचे पाणी चढल्याने वाहतूक ठप्प झाली आहे. वर्धा नदीच्या पुरामुळे आसपासच्या सर्वच पुलांवर पाणी चढल्याने वाहतूक ठप्प झाल्याचे चित्र आहे. चंद्रपूर जिल्ह्यात ब्रह्मपुरी तालुक्यात गेल्या 24 तासात 127 मिलिमीटर एवढ्या सर्वाधिक पावसाची नोंद झाली आहे. पुढील काही तासात चंद्रपूरसह विदर्भातील काही जिल्ह्यांना पावसाचा रेड अलर्ट देण्यात आला आहे.

Maharashtra Rain Update
Maharashtra Rain Update : महाराष्ट्रात पावसाचा हाहाकार! वाचा कूठं काय घडलं

वर्धा, इरई व पैनगंगा या नदीकाठच्या गावांना अतिसतर्कतेचा इशारा देण्यात आला आहे. नागरिकांनी आवश्यकता असेल तर घरा बाहेर पडावे असे आवाहन डॉ. कांचन जगताप (तहसीलदार, बल्लारपूर) यांनी केले आहे.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com