भंडारा: भंडारा-गोंदिया जिल्ह्यात (Bhandara-Gondia District) मागील दोन दिवस पावसाने दमदार हजेरी लावली आहे. या मुसळधार पावसामुळे वैनगंगा नदीच्या पाणी पातळीत वाढ झाली असून वाढलेल्या पाणी पातळीमुळे भंडारा शहरालगत असलेल्या खमारी गावला पुराणी वेढा दिला आहे.
वैनगंगा नदी (Wainganga River) पात्रापासून खमारी गावं जवळपास २ किलोमीटर अंतरावर असून देखील पुराच्या पाण्याची फूग लांबपर्यंत आल्याने आता या गावाला चारी बाजूंनी पाण्याचा वेढा पडल्यामुळे या गावात जवळपास चार हजार लोक अडकले आहेत.
हे देखील पाहा -
गावाच्या चारी बाजूला पाणी साचल्यामुळे खमारी गावाला बेटाचं स्वरूप आलं आहे. त्यामुळे सलग ३ दिवसापासून गावात लोकं अडकली आहेत. शिवाय गावाला पाण्याचा वेढा पडल्याने गावात ये-जा करण्यासाठी कोणताचं पर्याय शिल्लक नाहीये.
त्यामुळे खमारी गावात एखाद्याची प्रकृति बिघडली तर त्याला रूग्णालयात नेण्यासाठी कुठलाही रस्ता उरला नाही. तर ३ दिवसांपासून कोसळणाऱ्या पावसामुळे या गावात अड़कुन पडलेल्या गांवकऱ्यापर्यंत प्रशासनाकडून अद्याप कोणतीही मदत मिळालेली नाहीये.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.