मनसेची सभा उधळून लावण्यावर भीम आर्मी ठाम, कार्यकर्ते औरंगाबादकडे रवाना

Raj Thackeray rally : राज ठाकरेंची औरंगाबादमधील सभा उधळून लावू असा इशारा भीम आर्मीने दिला आहे.
मनसेची सभा उधळून लावण्यावर भीम आर्मी ठाम, कार्यकर्ते औरंगाबादकडे रवाना
Raj Thackeray rallySaam Tv

सोलापूर: औरंगाबादमध्ये (Aurangabad) मनसे अध्यक्ष राज ठाकरे (MNS president Raj Thackeray) यांची तोफ धडाडणार आहे. राज गर्जनेसाठी जोरदार तयारी सुरू करण्यात आली आहे. आजच्या सभेत राज ठाकरे कुणाला टार्गेट करणार? सभेत काय बोलणार, याचीच उत्सुकता मनसे कार्यकर्त्यांसह विरोधकांनाही आहे. यावेळी राज ठाकरेंच्या सभेला कडेकोट बंदोबस्त ठेवण्यात आला. अशातच, भीम आर्मीने (Bhim Army) ही सभा उधळून लावण्याचा इशारा दिला होता. या इशाऱ्यावर आपण ठाम असल्याची माहिती भीम आर्मीचे राष्ट्रीय महासचिव अशोक कांबळे यांनी दिली आहे.

Raj Thackeray rally
'५ हजार घ्या, चहा नाष्टा करा आणि सभेला या, मनसेच्या सभेला पैसे देऊन गर्दी'

राज ठाकरेंनी (Raj Thackeray) भोंग्यावर घेतलेल्या आक्रमक भूमिकेमुळे सर्वत्र वातावरण तापलं आहे. राज यांच्या या भूमिकेमुळे सामाजिक वातावरण बिघडत चालले असल्याच्या प्रतिक्रिया राजकीय पक्षातील विविध नेत्यांनी दिल्या आहे. दरम्यान आज होणाऱ्या सभेला औरंगाबाद पोलिसांनी 16 अटी घालून दिल्या आहेत. त्यामुळे राज ठाकरेंनी या अटीचे त्यांनी उल्लंघन केलं, तर महापुरुषांच्या नावाने घोषणा देऊन सभा उधळून लावू, असा इशारा भीम आर्मीने दिला होता.

या इशाऱ्यावर आपण ठाम असल्याचं भीम आर्मीकडून सांगण्यात आलं आहे. त्यासाठी आज राज्यभरातून भीम आर्मीचे कार्यकर्ते औरंगाबादला दाखल होणार असल्याची माहिती भीम आर्मीचे राष्ट्रीय महासचिव अशोक कांबळे यांनी दिली आहे. जर राज यांनी पोलिसांच्या अटींचं उल्लंघन केलं तर, त्यावेळी महापुरुषांच्या नावाने घोषणा देत सभा बंद पाडू तसेच राज ठाकरेंना सविधानाची प्रत भेट देऊ असं भीम आर्मीकडून सांगण्यात आलं आहे. दरम्यान, राज ठाकरेंच्या सभेमुळे निर्माण झालेला हा वाद आणखी काय वळण घेतो हे पाहणं महत्वाचं असणार आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.