Sahitya Sammelan : साहित्य संमेलनाचा भूमिपूजन सोहळा दिमाखात पार!

-- सागर गायकवाड

नाशिक : नाशिकमध्ये होणाऱ्या ९४ व्या अखिल भारतीय मराठी साहित्य संमेलनाचे भूमिपूजन केंद्रीय राज्य आरोग्यमंत्री डॉ. भारती पवार यांच्या हस्ते भुजबळ नॉलेज सिटी येथे दिमाखदार सोहळा संध्याकाळी पार पडला या कार्यक्रमास नाशिकचे पालकमंत्री तथा साहित्य संमेलनाचे स्वागताध्यक्ष छगन भुजबळ उपस्थित होते.

हे देखील पहा :

अखिल भारतीय मराठी साहित्य संमेलनाचे उद्घाटन दिनांक 3  डिसेंबर रोजी होणार आहे. त्याचे उद्घाटन प्रख्यात कादंबरीकार विश्वास पाटील करणार आहेत. या संमेलनाचे अध्यक्ष विज्ञान लेखक जयंत नारळीकर, मावळते अध्यक्ष फादर फ्रान्सिस दिब्रितो असतील. विशेष अतिथी म्हणून राज्याचे मुख्यमंत्री उद्धव ठाकरे, तसेच प्रमुख अतिथी म्हणून प्रसिद्ध गीतकार जावेद अख्तर उपस्थित राहणार आहेत.

संमेलनाचा समारोप दि. 5 डिसेंबर रोजी सायंकाळी ५ वाजता माजी केंद्रीय मंत्री शरद पवार, तसेच न्यायमूर्ती चपळगावकर यांच्या उपस्थितीत होणार आहे. असल्याची माहिती संमेलनाचे स्वागत अध्यक्ष तथा नाशिक जिल्ह्याचे पालकमंत्री छगन भुजबळ यांनी दिली.

Edited By : Krushnarav Sathe