Beed Crime News : भरदिवसा लूटमार करणाऱ्या टोळीचा बीड पोलिसांनी पर्दाफाश केलाय. दुचाकीवर जाणाऱ्या बँकेच्या कर्मचाऱ्याला, दुचाकी आडवी लावून लुटल्याचा प्रकार गेवराई परिसरात घडला होता. यातील आरोपी असणाऱ्या 3 जणांच्या टोळीला पकडण्यात पोलिसांना मोठं यश आलंय. (Beed Todays News)
याविषयी पोलीस सूत्रांकडून मिळालेल्या माहितीवरून, 26 ऑगस्ट रोजी आयडीएफसी बँकेचे कर्मचारी सुदर्शन शिवाजी आघाव, हे पाचेगाव येथून महिला बचतगटांना दिलेल्या कर्जाचे हफ्ते वसुली करुन गेवराईकडे जात होते. या दरम्यान सर्व्हिस रोडवर असताना पाठीमागून एक प्लसर गाडीवर दोघांनी चाकुचा धाक दाखवून सुदर्शन यांच्या जवळील, 95 हजार 610 रुपयांची रोकड असलेली बॅग घेऊन पसार झाले. (Beed Police Latest News)
याप्रकरणी बीडच्या गेवराई पोलीस ठाण्यात गुन्हा दाखल झाला होता. त्यानंतर अवघ्या 4 दिवसात, बीडच्या स्थानिक गुन्हे शाखेच्या पथकाने, आनंद सुंदर ससाणे रा पंचशील नगर बीड, या मुख्य आरोपीसह त्याचे साथीदार असणाऱ्या, आकाश प्रकाश धुताडमल रा. टाकळगाव ता. गेवराई, आकिल इस्माईल शेख रा. आहेर वाहेगाव ता. गेवराई या तिघांना जेरबंद केलंय.
दरम्यान या टोळीला पकडल्याने बीड जिल्ह्यातील मोठं मोठे लुटमारीचे गुन्हे उघडकीस येण्याची शक्यता वर्तविली जात आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.