तबरेज शेख
नाशिकमध्ये गेल्या काही दिवसांपासून लहान मुलींच्या अपहरणाचा अनेक धक्कादायक घटना समोर येत आहेत. जिल्ह्यात लहान मुलींच्या अपहरण करून परराज्यात विकणाऱ्या टोळीला जेरबंद करण्यात यश आले आहे.
नाशिक ग्रामीण पोलीस दलाचे अधीक्षक सचिन पाटील यांनी ही मोठी कारवाई केली आहे. पोलिसांनी केलेल्या या कामाचे सर्वत्र कौतुक करण्यात येत आहे. दरम्यान पोलिसांनी केलेल्या या कामगिरीमुळे नागरिकांमध्ये समाधानाचे वातावरण असल्याचे बोलले जात आहे.
हे देखील पाहा -
गुजरात आणि मध्यप्रदेश मधून या टोळीला अटक करण्यात आली आहे. ओझर मध्ये 2 महिन्यात 2 मुलींचे अपहरण झाले होते त्यामुळे नागरिकांमध्ये भीतीचे वातावरण निर्माण झाले होते. ओझर मधील एक महिला पैशांसाठी हे काम करत असल्याचे उघडकीस आले आहे.
ओझर पोलिसांनी शिताफीने ही कारवाई करत 4 आरोपींना अटक केली आहे. यामध्ये 2 महिला 2 पुरुषांचा समावेश आहे. पोलिसांनी याला ऑपरेशन मुस्कान म्हणून नाव दिले होते. यामध्येअल्पवयीन मुलींना फूस लावून विकणारी टोळीचा पर्दाफाश करण्यात आला आहे. सर्व मुली दहा ते बारा वयोगटातील आहे.
संशयितकडून पंचवटी, सातपूर फुलेनगर इथल्या देखील मुली फूस लावून पळवून नेण्याची कबुली देण्यात आली आहे. ओझर गुन्हे शोध पथक पाच दिवस गुजरात आणि मध्य प्रदेश मध्ये तळ ठोकून होते आणि त्यामुळेच अखेर ऑपरेशन मुस्कान ला यश आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.