नवी दिल्ली : एकनाथ शिंदे यांच्या बंडानंतर शिवसेनेत फूट सुरूच आहे. त्यातच खरी शिवसेना नेमकी कुणाची यावरून वाद सुरू आहे. दरम्यान, आता राज्यानंतर केंद्रातही शिवसेनेला मोठा धक्का बसला आहे. शिवसेनेचे एक दोन नव्हे तर तब्बल 12 खासदार शिंदे गटात सहभागी झाले आहे. इतकंच नाही तर या 12 खासदाराच्या गटनेतेपती राहूल शेवाळे यांना लोकसभा अध्यक्ष ओम बिर्ला यांनी मान्यता दिली आहे. (Ekanath Shinde News)
लोकसभा अध्यक्षांनी शिवसेनेच्या गटनेतेपती राहूल शेवाळे तसंच मुख्य प्रतोदपती भावना गळी यांना मान्यता दिली आहे. मंगळवारी या 12 खासदारांनी लोकसभा अध्यक्ष ओम बिर्ला यांची भेट घेतली होती. भेटीमध्ये नवीन गटनेत्याच्या नियुक्तीबाबत पत्र दिलं होतं. दरम्यान, आता या 12 खासदारांची मागणी लोकसभा अध्यक्षांनी मान्य केल्याची माहिती आहे.
त्यामुळे लोकसभेतील शिवसेनेचे गटनेते आता राहुल शेवाळे राहणार असून प्रतोद म्हणून भावना गवळी कायम राहणार आहे. एकनाथ शिंदे यांच्यासह ४० आमदारांनी बंड केल्यानंतर आता शिवसेनेच्या 12 खासदारांनी देखील आपण शिंदे गटात सामील होत असल्याची घोषणा केली. दिल्लीत पत्रकारपरिषद घेऊन त्यांनी ही घोषणा केली. (Rahul Shevale Latest News)
महत्वाची बाब म्हणजे आपण अजूनही एनडीएचा भाग असल्याचं या 12 खासदारांनी म्हटलं. त्यातच आता शिवसेनेच्या लोकसभेतील एकनाथ शिंदे गटाला लोकसभा अध्यक्ष ओम बिर्ला यांनी हिरवा कंदील दिला आहे. हा शिवसेना पक्षप्रमुख उद्धव ठाकरे यांना बसलेला सर्वात मोठा धक्का असल्याचं बोललं जातंय.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.