Beed Accident : ट्रकने दुचाकीस्वाराला चिरडले, 1 जागीच ठार; बीडच्या सोमठाना गावाजवळील घटना

Beed Accident News : भरधाव ट्रकनेने दुचाकीस्वरास चिरडल्याची धक्कादायक घटना बीडच्या सोमठाना गावाजवळ घडली आहे. पाथरीहून -माजलगावच्या दिशेने येत असलेल्या दुचाकीस्वाराला, कारखान्याची माल वाहतूक करणाऱ्या ट्रकने जोराची धडक दिली. ही घटना मंगळवारी सायं ६ वाजता सोमठाना येथे घडली.

या भीषण अपघातात (Accident) एका तरुणाचा जागीच मृत्यू झाला. बीडच्या (Beed) माजलगाव तालुक्यातील आनंदगाव येथील नागेश पोईनकर वय 34 हा पाथरी तालुक्यातील मानोली येथे कार्यक्रमासाठी गेला होता. तो पाथरीहून माजलगावकडे दुचाकी वरून येत होता.

या दरम्यान सोमठाना गावाजवळ आला असता, समोरून येणाऱ्या भरघाव वेगातील ट्रकने दुचाकीला चिरडले. यात दुचाकीवरील नागेश पोईनकर याचा जागीच मृत्यू झाला. घटना घडल्यानंतर कंटेनर चालक घटनास्थळावरून पसार झाला आहे. दरम्यान या घटनेने हळहळ व्यक्त केले जात आहे.