Anil Bonde banner
Anil Bonde bannersaam tv

RajyaSabha Elections: : मतमोजणीपूर्वीच भाजपच्या अनिल बोंडेंचे विजयाचे बॅनर झळकले

राजकीय वर्तुळातून नेत्यांच्या भुवया उंचावणारी घडामोड समोर आली आहे.

अमरावती : गेल्या काही दिवसांपासून राजकीय मैदानात धुरळा उडवणाऱ्या राज्यसभा निवडणुकीच्या (Rajyasabha election) मतदानाची प्रक्रिया आज शुक्रवारी पूर्ण झाली. महाविकास आघाडीसह भारतीय जनता पक्षाने निवडणुकीच्या रिंगणात डावपेच आखले. आज दुपारी ३.३० वाजेपर्यंत विधानसभेच्या २८५ सदस्यांनी मतदान केले.त्यानंतर पाच वाजता मतमोजणीला सुरुवात होणार होती. परंतु, भाजपने (BJP) ऐनवेळी केंद्रीय निवडणूक आयोगाकडे धाव घेतल्यामुळे मतमोजणीला विलंब झाला आहे. परंतु, आता राजकीय वर्तुळातून नेत्यांच्या भुवया उंचावणारी घडामोड समोर आली आहे.

Anil Bonde banner
'ईडीचा डाव फसला, आता रडीचा डाव सुरू झाला' ; संजय राऊत संतापले

राज्यसभेच्या मतमोजणीपूर्वीच भाजप उमेदवार अनिल बोंडे (Anil Bonde) यांच्या विजयाचे बॅनर भाजपच्या समर्थकांनी लावले आहेत. तिवसा व गुरूंकुज मोझरी येथे किसान मोर्चाच्यावतीने अनिल बोंडे यांच्या अभिनंदनाचे फलक झळकले आहेत. त्यामुळे अनेक तर्क वितर्कांना उधाण आलं आहे. मतमोजणीला सुरुवात होण्याआधीच भाजपने विजयाचा आत्मविश्वास दाखवला आहे. त्यामुळे राजकीय वर्तुळात अनेक चर्चांना उधाण आलं आहे.

Anil Bonde banner
कोल्हापूरच्या २ पैलवानांमध्ये रंगतदार कुस्ती, मला आनंद आहे...: संभाजीराजे

भारतीय जनता पार्टीचे किसान मोर्चाचे राष्ट्रीय महामंत्री डॉ. अनिल बोंडे यांची राज्यसभेवर निवड झाल्याबद्दल अमरावतीच्या किसान मोर्चाकडून अभिनंदन, अशा आशयाचा बॅनर भाजप नेते नरेंद्र राऊत यांनी लावला आहे. या बॅनवर भाजपच्या दहा कार्यकर्त्यांचे फोटोही लावण्यात आले आहेत. दरम्यान, निकालापूर्वीच भाजपने बोंडे यांचा विजयाचा बॅनर लावून विजयाचा आत्मविश्वास दाखवला आहे.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com