देगलूर बाजार समितीवर भाजपचा झेंडा; अशोक चव्हाणांना धक्का!

नांदेड : नांदेड (Nanded) जिल्ह्यातील देगलूर (Deglur) कृषी उत्पन्न बाजार समितीवर भाजप प्रणित पॅनलने एकहाती सत्ता मिळवली आहे. प्रतिस्पर्धी महाविकास आघाडी च्या पॅनलचा अक्षरशः धुव्वा उडवलाय. भाजप प्रणित पॅनलचे सर्वच 18 उमेदवारां पैकी 18 उमेदवार विजयी झाले.

हे देखील पहा :

आज झालेल्या मतमोजणी दरम्यान, हा निकाल हाती आला आहे. बाजार समितीची (APMC) स्थापना झाल्यापासून 60 वर्षात पहिल्यांदाच बाजार समितीवर भाजपचा (BJP) झेंडा फडकलाय. भाजपचे खासदार प्रताप पाटील चिखलीकर यांनी दोन महिन्यापूर्वी झालेल्या देगलूर विधानसभा पोटनिवडणुकीत मोठी ताकत लावून ही त्यांना भाजपचा उमेदवार निवडून आणता आला नाही.

मात्र, देगलूर बाजार समितीवर भाजपचा झेंडा फडकवून तालुक्यात भाजप मजबूत करण्यास सुरुवात केली आहे. देगलूर बाजार समितीवरील भाजपच्या विजयामुळे सार्वजनिक बांधकाम मंत्री अशोक चव्हाण (Ashok Chavan) यांना धक्का बसला आहे.

Edited By : Krushnarav Sathe