BJP Shivsena Seats Distribution : महाराष्ट्र विधानसभेच्या २८८ जागांसाठी २०१४ मध्ये पंचवार्षिक निवडणूक होणार आहे. २०२४ च्या विधानसभा निवडणुकीत भाजपा २४० जागा लढवणार तर ४८ जागा या एकनाथ शिंदे यांच्या शिवसेनेला दिल्या जाणार आहेत, असा फॉर्म्युला ठरल्याचे सांगण्यात आले होते. २०२४ मध्ये एकनाथ शिंदे (Eknath Shinde) यांची शिवसेना आणि भाजपा एकत्र निवडणूक लढणार आहेत.
दोन्ही पक्षांमध्ये जागावाटपाचा फॉर्म्युला ठरला आहे, असे चंद्रशेखर बावनकुळे पक्षाचे प्रवक्ते व अन्य पदाधिकाऱ्यांपुढे बोलताना म्हणाले होते. मात्र राजकीय वर्तुळात चर्चा सुरू झाल्यानंतर यावर आता चंद्रशेखर बावनकुळेंनी सारवासारव करत असे काही ठरले नसल्याचे स्पष्ट केले आहे.. (Latest Marathi News)
काय म्हणाले चंद्रशेखर बावनकुळे...
"आगामी विधानसभा निवडणुकीत भाजप २४० जागा लढविण्याचा विचार करीत असल्याचे वक्तव्य मी पक्षाच्या पदाधिकाऱ्यांना निवडणूक तयारीच्या दृष्टीने मार्गदर्शन करताना आणि सज्ज रहावे, यासाठी केले होते. निवडणुकीच्या वेळी जागावाटपाचा विचार होईल. शिंदे गटाबरोबर असलेल्या आमदारांच्या जागांपेक्षा ज्या आणखी जागा शिंदे गटाकडे जातील, त्यांना भाजपने केलेल्या निवडणूक तयारीचा उपयोगच होईल," असे बावनकुळे यांनी स्पष्ट केले.
दरम्यान, चंद्रशेखर बावनकुळेंनी (Chandrashekhar Bawankule) असे वक्तव्य केल्याने चर्चा रंगली होती. शिंदे गटाला ४८ जागाच वाट्याला येणार, याबाबत चर्चा सुरू झाल्याने भाजप नेत्यांनी रात्रीच सारवासारव सुरू केली बावनकुळे यांचे भाषण समाजमाध्यमांवर टाकण्यात आले होते. पण वरिष्ठ नेत्यांनी नाराजी व्यक्त करीत हस्तक्षेप केल्यावर हे भाषण काढून टाकण्यात आले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
