Maharashtra Politics: शिवसेना पक्ष आणि चिन्हाचा निर्णय शिंदे गटाच्या बाजूने लागल्यानंतर राज्याचे राजकारण चांगलेच तापले आहे. निवडणूकीविरोधात एकीकडे ठाकरे गटाने तीव्र नाराजी व्यक्त केली असतानाच हे सगळे उद्धव ठाकरे आणि संजय राऊतांमुळेच झाले, असा सुर शिंदे गट आणि भाजपाने लावला आहे.
या सगळ्या प्रकरणावर आता भाजपाप्रदेशाध्यक्ष चंद्रशेखर बावनकुळे यांनी मोठे विधान केले आहे. साम टीव्हीवर झालेल्या मुलाखतीत ते बोलत होते. (ChandraShekhar Bawankule EXclusive)
भाजपा प्रदेशाध्यक्ष चंद्रशेखर बावनकुळे यांनी आज साम टिव्हीला एक्सक्लूझिव मुलाखत दिली. या मुलाखतीत त्यांनी, पुणे पोटनिवडणूक, पहाटेचा शपथविधी, तसेच शिंदे ठाकरेंच्या सत्तासंघर्षावरही प्रतिक्रिया दिल्या, ज्यामध्ये त्यांनी उद्धव ठाकरेंवर जोरदार हल्लाबोल केला.
काय म्हणाले चंद्रशेखर बावनकुळे...
"शिवसेनेमध्ये झालेली बंडखोरी ही उद्धव ठाकरेंमुळेच (Udhav Thackeray) झाली असे म्हणत त्यांना मुख्यमंत्री व्हायचे होते. त्यांच्या मुलाला मंत्री करायचे होते. म्हणूनच ते राष्ट्रवादी, कॉंग्रेससोबत गेले. तिकडे जाऊनही त्यांनी त्यांच्या आमदारांना, मंत्र्यांना वेळ दिला नाही," असा आरोप चंद्रशेखर बावनकुळे यांनी केला. दरम्यान यावेळी पुणे पोट निवडणूकीत भाजपाचे उमेदवार मोठ्या मताधिक्क्याने विजयी होतील, असा विश्वासही त्यांनी व्यक्त केला.
तसेच, "ठाकरे गटाच्या भवितव्याबद्दल बोलताना त्यांनी पुढच्या आठ महिन्यात त्यांच्याकडे फक्त चारच लोक राहतील," असेही विधान केले. चंद्रशेखर बावनकुळे यांच्या या वक्तव्यानंतर राजकीय वर्तुळात चर्चांना उधाण आले आहे.. (Maharashtra Politics)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
