मुंबई : राज्यसभेच्या निवडणुकीत सहा जागांसाठी महाविकास आघाडी (Maha Vikas Aghadi) आणि भारतीय जनता पक्षामध्ये चुरशीची लढत झाली. अपक्ष आमदारांची मते आपल्या बाजुनं फिरवून सहाव्या जागेसाठीचे उमेदवार धनंजय महाडीक (Dhananjay Mahadik) यांचा भाजपच्या रणनीतीमुळं विजय झाला. एकीकडे राज्यसभेतील भाजपच्या विजयाचा धुरळा राजकीय मैदानात उडाला असतानाच दुसरीकडे (vidhan Parishad election) विधान परिषदेच्या निवडणुकीसाठीही भाजपने (BJP) मोट बांधायला सुरुवात केलीय.
येत्या २० जूनला १० जागांसाठी विधान परिषदेची निवडणूक होत आहे. त्यामुळे महाविकास आघाडीसह भाजपने घोडेबाजार होऊ नये म्हणून आमदारांची हॉटेलवारी केली आहे. या निवडणुकीत अपक्ष आणि छोट्या पक्षांच्या आमदारांचे मतदान अंत्यंत महत्वाचे मानले जात आहे. तसेच बहुजन विकास आघाडीच्या तीन आमदारांच्या मतदानाकडेही सर्वच पक्षांचे लक्ष लागले आहे.
भाजपकडून पाचव्या जागेसाठी प्रसाद लाड यांना विधान परिषद निवडणुकीसाठी उमेदवारी देण्यात आलीय. तर लाड यांच्या विरोधात कॉंग्रेसचे उमेदवार भाई जगताप हे निवडणूक लढवत आहेत. त्यामुळे मतांचा कोटा भरण्यासाठी बविआच्या तीन आमदारांची मतांना अनन्य साधारण महत्व प्राप्त झाले आहे. याच पार्श्वभूमीवर विधान परिषदेचे विरोधी पक्षनेते प्रवीण दरेकर (Pravin Darekar) आणि माजी मंत्री गिरीश महाजन आमदार (Hitendra Thakur) हिंतेंद्र ठाकूर यांच्या भेटीसाठी विरार मध्ये दाखल झाले आहेत.
भाजप नेत्यांमध्ये आणि बविआच्या आमदारांमध्ये बंद दाराआड खलबलं झाली. विधान परिषदेच्या निवडणुकीत भाजपला मतदान करावे, अशी मागणी हिंतेद्र ठाकूर यांच्याकडे भाजप नेत्यांनी केली आहे. तसेच महाविकास आघाडीच्या नेत्यांकडूनही बविआच्या आमदारांशी मतदाना संदर्भात यापूर्वी चर्चा झाली आहे.
परंतु, आपण कोणाला मतदार करणार आहोत, हे सांगायचं नसतं.त्यामुळे आम्हा एकत्र बसून आणि निर्णय घेवू आणि मतदान करु. मत देताना वसई-विरारच्या विकासाचा विचार करणार आहोत, अशी प्रतिक्रिया हिंतेंद्र ठाकूर यांनी दिली आहे. त्यामुळे बविआची मतदानाची भूमिका अद्यापही गुलदस्त्यातच आहे.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.