Sudhir Mungantiwar : राज्यातील शेतक-यांना भरीव मदत देण्यासाठी राज्य सरकार निश्चितच प्रयत्न करीत आहे. सध्या मिळत असलेली मदत पूरेशी नाही हे माझ्या देखील कानावर आलं आहे. प्रशासकीय चुकांमुळं असे घडलं असेल. सध्याचं सरकार जनतेच्या हिताचं काम करीत आहे. मागच्या सरकारनं केवळ चहा-बिस्किटं खाऊन बैठका संपविल्या असा टोला मंत्री सुधीर मुनगंटीवार यांनी मविआस लगावला. मंत्री सुधीर मुनगंटीवार (sudhir mungantiwar) यांनी आज विविध विषयांवर माध्यमांशी संवाद साधला. त्यावेळी ते बाेलत हाेते.
राज्याच्या हिताचे निर्णय
मंत्रिमंडळाचे खाते वाटप पंधरा ऑगस्टपूर्वी होईल असे सांगतानाच खाते नाही म्हणून काम थांबलेले नाही असं मुनगंटीवार यांनी नमूद केले. ते म्हणाले दोघांचे मंत्रिमंडळ होते तेव्हाही आणि आता विस्तार झाल्यानंतरही राज्याच्या हिताचे निर्णय घेतले जात आहेत. मागील सरकारनं तीन बैठकात एकही निर्णय घेतला नाही. केवळ चहा-बिस्किटे खाऊन बैठक संपवली, असा टोलाही त्यांनी लगावला.
त्यांच्याप्रती सहानुभूती आहे
हे बिनचेहऱ्याचे सरकार असल्याची टीका आज सामनातून करण्यात आली. त्यावर मुनगंटीवार म्हणाले की, सरकार गेल्यानंतर अशी वक्तव्ये केली जातात. त्याकडे गांभीर्याने लक्ष देण्याची गरज नाही. आमची त्यांच्याप्रती सहानुभूती आहे.
शेतकऱ्यांना भरीव मदत देऊ
पूरग्रस्त शेतकऱ्यांना चार-पाचशे रुपयांची मदत करून त्यांची थट्टा करण्यात आल्याचा प्रकार समोर आल्यावर, मुनगंटीवार यांनी यापुढे असे होणार नाही, असे आश्वासन दिले. अधिकारी किंवा प्रशासनाच्या चुकीमुळे असा प्रकार कुठे होत असेल तर त्याची लगेच दखल घेतली जाईल आणि शेतकऱ्यांना भरपूर मदतीचा हात दिला जाईल, असे त्यांनी सांगितले.
हे पहिल्यांदाच घडलं नाही
बारा आमदारांची यादी राज्यपालांनी रोखून धरण्याच्या बाबतीत मुनगंटीवार यांनी, तो राज्यपालांचा अधिकार आहे, असे सांगितले. यावर मी बोलणे योग्य नाही. मात्र हे पहिल्यांदाच घडलेले नाही, असेही ते म्हणाले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.