मुख्यमंत्री केवळ टीका करतात, पण...; सुधीर मुनगंटीवर यांची उद्धव ठाकरेंवर सडकून टीका

विधान परिषद निवडणुकीच्या पार्श्वभूमीवर भाजपचे सुधीर मुनगंटीवार (Sudhir Mungantiwar) यांनी मुख्यमंत्री उद्धव ठाकरेंवर (Uddhav Thackeray) अमरावतीत सडकून टीका केली आहे.
Sudhir Mungantiwar and Uddhav Thackeray
Sudhir Mungantiwar and Uddhav Thackeray Saam Tv

अमर घटारे

अमरावती : विधान परिषदेच्या १० जागांसाठी उद्या सोमवारी दिनांक २० जून रोजी मतदान होणार आहे. सर्वच पक्षांनी या निवडणुकीसाठी जय्यत तयारी केली आहे. महाविकास आघाडी आणि भाजपने निवडणुकीसाठी जोरदार हालचाली सुरू केल्या आहेत. विधान परिषद निवडणुकीच्या पार्श्वभूमीवर भाजपचे सुधीर मुनगंटीवार (Sudhir Mungantiwar) यांनी मुख्यमंत्री उद्धव ठाकरेंवर (Uddhav Thackeray) अमरावतीत सडकून टीका केली आहे.

Sudhir Mungantiwar and Uddhav Thackeray
आघाडीतील अनेक आमदार नाराज, विजय आमचाच; राम शिंदेंचा दावा

'मुख्यमंत्री केवळ टीका करतात. राज्यात अनेक प्रश्न प्रलंबित आहेत. त्यावर उपाय योजना करणे हे सोडून केवळ मुख्यमंत्री केंद्रावर टीका करणे हा एककलमी कार्यक्रम सुरू आहे. आज शिवसेनेचा (Shivsena) ५६ वा वर्धापन दिवस आहे. ईश्वर त्यांना चांगले कार्य करण्याची सद्बुद्धी देवो हीच प्रार्थना आहे', अशा शब्दात भाजप नेते सुधीर मुनगंटीवार यांनी मुख्यमंत्र्यांवर जोरदार टीका केली आहे.

Sudhir Mungantiwar and Uddhav Thackeray
हॉटेलची उधारी मागणारा व्यक्ती राष्ट्रवादीचा कार्यकर्ता; सदाभाऊ खोत यांनी दिला 'हा' पुरावा

सुधीर मुनगंटीवार यांनी अग्निपथ योजनेच्या विरोधात तरुणांचे होणाऱ्या आंदोलनावर देखील प्रतिक्रिया दिली आहे. मुनगंटीवार म्हणाले, 'काँग्रेसचा देशाच्या प्रगतीमध्ये नेहमीच बाधा टाकण्यासाठी हात असतो. अग्निपथ योजनेच्या विरोधात तेल टाकण्याचे काम विरोधी पक्ष करत आहे. विरोधासाठी विरोध करायचा ही काँग्रेसची सवय आहे. अग्निपथ योजनेच्या विरोधात गैरसमज विरोधी पक्षांनी निर्माण करू नये. काँग्रेस पक्ष आता विसर्जित केला पाहिजे, ते महात्मा गांधी यांचं देखील स्वप्न होतं'.

भाजपकडून महाविकास आघाडी सरकार पाडण्याचा हालचाली सुरू आहे का, या प्रश्नावर उत्तर देताना मुनगंटीवार म्हणाले, 'भाजप केव्हाही सरकार पाडण्यासाठी प्रयत्न करत नाही. महाविकास आघाडीच्या आमदारांची नार्को टेस्ट केली तर त्यांनाही सरकार नको हे स्पष्ट होईल. महाविकास आघाडी सरकर पुढचे ५०० वर्षे येणाऱ्या प्रत्येक सरकारसाठी दिशादर्शक ठरेल की माणसाने कसं वागू नये. राज्य सरकारचं चुकीच्या पद्धतीने वागत आहे. आमचं सरकार जनतेच्या आशीर्वादने २०२४ मध्ये येईल, असा विश्वास सुधीर मुनगंटीवार यांनी व्यक्त केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com